ફેકટરીની મુલાકાત

ભૌતિક સુખ સુવિધા મેળવવાની ત્યાં હોડ હતી,

હવાની શુદ્ધતાની એ ચોર હતી,

હા મેં કરી હતી એ ફેકટરીની મુલાકાત.

પોતાના લાભમાં જ રચ્યો પચ્યો હતો માનવ,

ત્યાં જોયો તો મેં એના રૂપમાં દાનવ,

હા મેં કરી હતી એ ફેકટરીની મુલાકાત.

આપણા જીવનનુ એ ભારણ હતું,

પણ વાતાવરણના પ્રદૂષણનુ એ કારણ હતું,

હા મેં કરી હતી એ ફેકટરીની મુલાકાત.

હા હું માનું છું કે આપણા માટે જરૂરી છે એ,

પણ એવી તો કેટલીય ઈચ્છાઓ અધૂરી છે,

હા મેં કરી હતી એ ફેકટરીની મુલાકાત.

કઈ ના કરી શકો તો એ ધુમાડાને રોકો,

સુવિધાઓની હોડમાં આ પૃથ્વીને ના ઝોંકો,

હા મેં કરી હતી એ ફેકટરીની મુલાકાત.