મને યાદ છે, શું તને યાદ છે ?
મને યાદ છે, શું તને યાદ છે ?
1 min
213
યાદ છે મને તારું એ વાતવાતમાં નારાજ થવું,
શું તને યાદ છે ? મારું એ દરેક વાતમાં મનાવવું,
મને યાદ છે તારી એ નાની નાની ફરિયાદો,
શું તને યાદ છે ? મારી કોઈ નાનકડી યાદો,
મને યાદ છે તારું એ, મને જોઈને શરમાવું,
શું તને યાદ છે મારું તને જોઈને હરખાવું ?
મને યાદ છે એ આપણી પળ બે પળની મુલાકાતો,
શું તને યાદ છે આપણી એમાની કોઈ વાતો ?
મને યાદ છે તારું એ દિવસભરનું એકધારું બકબક,
શું તને યાદ છે મારા ચહેરાની ખામોશી ?
મને યાદ છે તારું એ પાગલોની જેમ હસવું,
શું તને યાદ છે મારું તારા વિના રાતભર રડવું ?
મને તો યાદ છે એ ઘણુંબધું
શું તને (પણ) યાદ છે એમાનું થોડુંઘણું ?