ખ્યાલ રાખજો

ખ્યાલ રાખજો

હું આવું કે ના આવું,

તમે તમારો ખ્યાલ રાખજો.

આ બહુરંગી જિંદગીની ઘટમાળમાં,

જીવન ગોતે ન ચડે, ખ્યાલ રાખજો,

આ કાગળના પૈસાની આંધળી દોટમાં,

કોઈ ગરીબની હાય ન ચડે, ખ્યાલ રાખજો,

ફૂલોથી ભરેલા ઉપવનને પામવામાં,

પોતાનું ફૂલ ના મુરઝાય, ખ્યાલ રાખજો,

જગતમાં પ્રેમ બધે જ મળશે,

માની મમતા ના જાય, ખ્યાલ રાખજો,

આ જીવન સાગરમાં મોતી ગોતતા,

જીવન જળમાં ન જાય, ખ્યાલ રાખજો,

ઝુંપડા તોડી મહેલ બાંધવામાં,

સુખ ક્યારેય નહિ મળે, ખ્યાલ રાખજો.