જોજો રહી ન જાય

ખુશી ગજવામાં ભરુ, ગજવુ ફાટી જાય તો ?

પાવલી બાએ દિધેલ ખોટી વપરાઈ જાય તો ?

આમ તો રોજ ઘણા બધાને છેતરીએ જ છીએ,

સમજવા છતા ખુદને છેતરપીંડી કરીએ તો ?

માસૂમિયત મફતમાં મળે તો ખોબો તો ધરીએ જ,

પણ ખુશામતથી માસૂમિયત છીનવાઈ જાય તો ?

આંખોના અશ્રુઓમાં મીઠી નજર તો મળેજ છે,

કાતિલ આંખોમાં મીઠી નજર ઘવાય જાય તો ?

કાલની ઉપાધિમાં આજનો જખમ તો વકરે જ,

મરહમ કાજે રવિવારની મજા હવાઈ જાય તો ?

ઈચ્છો તો બચપણ બધી અવસ્થામાં છે જ,

ભાવિ માટે આ અવતાર જીવવાનો રહી જાય તો ?

સીધો જ હિસાબ "દેવ"નો જીવો જીંદગી પુરી,

કયાંક ઉપાધિઓમાં જીવન કરમાઈ જાય તો ?