ગીત - ' ખુલ્લુ આકાશ '

અણિયાળી ચાંચ એની રાતી છે માળ,

લીલો પોપટ બેઠો છે લીલી આંબાની ડાળ,

સામે બેઠેલ ઓલી પોપટી ને બોલે,

હાલને એલી જઇયે આજ સરવરની પાળ,

હાલને એલા ભરી લઈએ ખુલ્લું આકાશ .....

લાગણીમાં લથબતી વાતુ વાગોળીને અણદીઠાં સપનાઓ ખોલીએ,

ભીની છે રાતોને, ઝગમગતી જાતોને, ફૂલડાં સમ બાગમાં ઝબોળીએ,

સતરંગી રંગોના પગલાંની છાપુંથી થનગનતાં હૈયામાં ઉઘડે પરસાળ..

હાલને એલા ભરી લઈએ ખુલ્લું આકાશ....

તરસી છે ધરતીને વેદના છે, વેગળી એ વેદનાને હાથ કેમ રાખું,

વરસાદી છાંટા ને હૈયામાં ઝીલીને વાયરાને કેમ કરી ચાખું,

રૂપેરી તાર મહીં ગૂંથવાની એક - મેક જીવતરની મનગમતી ઝીંણેરી જાળ....

હાલને એલા ભરી લઈએ ખુલ્લું આકાશ .....