દિલ દિમાગની અદલાબદલી
દિલ દિમાગની અદલાબદલી
ક્યારેક એવો અજાયબ કિસ્સો બને,
કે હૃદય કરે વિચાર, ને મગજ મહેસુસ કરે.
આંખો કરે વાતોને, શબ્દો જોવે આ નજારો,
કે દિલમાં થાય ઝબકારો, ને મગજ ચૂકે આ એક ધબકારો.
ઈન્દ્રિયોના સંદેશા, પહોંચે ક્યારેક દિલને,
લાગણીઓનો દરિયો પછી, ડોલાવે આ મનને.
પ્રિયજનને જોઈ, મગજ ચડતું હિલોળે, ને ગાંડું-ગાંડું થાય,
ભવિષ્યના વિચારે, દિલના ત્યારે, પાછા પગ મંડાય.
મગજ કહે! પ્રેમી, પ્રિયજનોને પરિવાર સાથે છે, શ્રેષ્ઠ જીવનની લાગણી,
પદ, પ્રતિષ્ઠા, પાવરને પૈસાના મૃગજળની કરે, દિલ ત્યારે પહેલી માંગણી.
દિલ-દિમાગની આ કેવી અદલાબદલીની ગોઠડી !
"નવ્યા"ના "નવલા નજરાણાં"ની છે બસ આ જ સાચી જોડણી.