ચાલને કઇંક કરીએ

ચાલને કંઇક કરીએ, એવું તો શું કરીએ,

આપણે કરીએ અને બીજાનું ભલું થાય

ભાઈ અમે તો એવું જ કંઇક કરીએ...

તું લે તગારું, હું લઉં સાવરણો, શેરી સફાઈ કરીએ,

સ્વચ્છ શેરી થકી ગામ સ્વચ્છ કરીએ,

ભાઈ અમે તો એવું જ કંઇક કરીએ...

તું લે ડોલ, હું વીણું પ્લાસ્ટિક, ગામ સફાઈ કરીએ,

ધરતીને સાથે આપને પર્યાવરણ બચાવીએ,

ભાઈ અમે તો એવું જ કંઇક કરીએ...

ઘર ઘર શૌચાલય આપણા શૌચ માટે વાપરીએ,

સ્વચ્છતાની સાથે અમે સ્વાસ્થ્ય સાચવીએ,

ભાઈ અમે તો એવું જ કંઇક કરીએ...

તું લે સાવરણી, હું લઉં સાવરણો, શાળા સફાઈ કરીએ,

સ્વચ્છ શાળા થકી અમે તો સ્વચ્છ ભારત કરીએ,

ભાઈ અમે તો એવું જ કંઇક કરીએ...

ચાલને કંઇક કરીએ, એવું તો શું કરીએ,

આપને કરીએ અને બીજાનું ભલું થાય

ભાઈઅમે તો એવું જ કંઇક કરીએ...