આશિષ તારા
આશિષ તારા
મળ્યું જે કાંઈ આજે મને મા એ છે આશિષ તારા.
તારી અમીદ્રષ્ટિ હશે અને મા એ છે આશિષ તારા.
ઉપકાર છે અગણિત,
જન્મોજન્મનો છું મા ૠણી,
કરજ તારું ચૂકવવું ન બને,
મા એ છે આશિષ તારા.
હદયની ભરપૂર લાગણી,
એ પરમ ભેટ છે મા તારી,
વિવેકી પરાવાણી જબાને,
મા છે એ આશિષ તારા.
ભક્તિ પરમેશની છે,
મા જન્મદત વરદાન તારું મને,
ટેવાય મન મારું શનૈઃ શનેઃ
મા છે એ આશિષ તારા.
સરળ સ્વભાવને જતું કરવાની,
હતી મા આદત તારી,
એ વસી જનારી મારા વર્તને,
મા છે એ આશિષ તારા.