తీర్చ లేమమ్మ ని ఋణం

జన్మించిన ప్రతిప్రానణికి తొలి శ్వాస అమ్మ

కానరాదు యే యుగాన అమ్మలేని మరో జన్మ

అమ్మంటే బ్రతుకు బ్రతుకుల వారధి

అనంత ప్రేమానురాగాల సారధి

అమ్మపట్టిన స్తన్యం నా అడుగు అడుగున సైన్యం

అమ్మపాడిన జోల నా అనణువణువునా జ్వాల

అమ్మ వడి ప్రేమ తడి ప్రతి శిశువుకు బ్రతుకు బడి

అమ్మ త్యాగం నాకు భాగ్యం శత వర్షాల వడి

అమ్మ పాదం జన్మనాదం ఒరుల కందని బ్రతుకు వేదం

తనువు పంచి పేగు తెంచిన అమ్మ త్యాగం అనల్పం

ఎన్ని పూజలు యెన్ని సేవలు చేసినా దాని ముందవి అల్పాతీ అల్పం

క్షీర సాగర మధన మందు పుట్టిన అమృతం అల్పం

అమ్మ మనసు ప్రేమ పొరల పొంగిన అమ్మ తనం అనల్పం

చావు బ్రతుకుల ప్రసవ సంధ్యలో జన్మనిచ్చిన త్యాగ శీలివి

నీపాదాల క్రింద పూ రెమ్మనై వాలినా

నీవు పోసిన ఉసురు నిచ్చి నీ పాదాలముందు రాలినా

తీరదమ్మ మాతృ ఋణం

తీర్చ లేదమ్మ యే తరం. ****