ఇంటి దీపం

భార్య అంటే ఒక పదం కాదు
ప్రతి ఇంటిని నిలబెట్టే ప్రేమకు ప్రతిరూపం
ప్రేమకు ప్రతిరూపం తన బంధం అపురూపం
త్యాగమే తన పరమార్థం, అనితర సాధ్యం తన మార్గం
పగలైనా రేయైనా, సుఖమైనా దుఃఖమైనా
ఒకటే ధ్యాస, తన కుటుంబమే శ్వాస
ప్రేమే తన భాష, అందరి కోసం కన్నీరు దాచే మనిషి
సంసారంలో బ్రహ్మఋషి

తన మమకారాలన్నీ భర్త కోసం విడిచేస్తుంది
పుట్టింటి ప్రేమలన్నీ మనసులో దాచుకొని వచ్చేస్తుంది
తెలియని ఇంటినే తన ప్రపంచంగా మార్చుకుంటుంది
ఆ ప్రపంచంలో తనను తాను మరిచిపోతుంది
బంధం కోసం బాధలెన్నో భరిస్తుంది
కుటుంబం కోసం సంతోషాలెన్నో త్యజిస్తుంది
అందరి ఆనందాల కోసమే ప్రయత్నిస్తుంది
ప్రేమకు ప్రతిరూపం తన బంధం అపురూపం
త్యాగమే తన పరమార్థం, అనితర సాధ్యం తన మార్గం
పగలైనా రేయైనా, సుఖమైనా దుఃఖమైనా
ఒకటే ధ్యాస, తన కుటుంబమే శ్వాస
ప్రేమే తన భాష, అందరి కోసం కన్నీరు దాచే మనిషి
సంసారంలో బ్రహ్మర్షి

ఇంటి దీపమై ప్రతి ఉదయం వెలుగుతుంది
అందరి కలల కోసం తన కలలను మౌనంగా దాచుతుంది
పిల్లల భవిష్యత్తే తన జీవిత లక్ష్యమవుతుంది
భర్త చిరునవ్వే తన విజయమై నిలుస్తుంది
తల్లి, భార్య, కోడలిగా ప్రతి పాత్రను గెలుస్తుంది
ప్రతి ఇంటి ఆనందంలో తన పేరే వినిపిస్తుంది
ఆమెను గౌరవించే ఇంట్లో లక్ష్మీదేవి కొలువుంటుంది
ఆమెను ప్రేమించే మనసులో నిజమైన ఆనందం పుడుతుంది

భార్య అంటే ఇంటిలో ఆనందం వెలిగించే దీపం
భార్య అంటే కుటుంబాన్ని నిలబెట్టే బలం
ఆమెను అర్థం చేసుకుంటే ఇల్లు ఆనంద నిలయం అవుతుంది
ఆమె కన్నీటిని గౌరవిస్తే జీవితం ఆనందమయం అవుతుంది
ఆమె నవ్వుతూ ఉంటే ఆ కుటుంబం నిలుస్తుంది
ఆమె మనసు గెలిస్తే ఆ ఇల్లు స్వర్గం అవుతుంది
ప్రేమను పంచేది ఆమె, బాధను మోసేది ఆమె
తన కష్టం దాచుకొని సుఖాన్ని పంచేది ఆమె
అందుకే భార్య అంటే పదం కాదు... దేవుడు ప్రతి ఇంటికి ఇచ్చిన అమూల్యమైన వరం....