புத்தாக்கம்(புத்தகம்)

ஒத்தையடிப் பாதையில

ஒத்தையில நெடுந்தூரம் நடந்திருக்க

ஒற்றை மாமர நிழலுல

ஒரு ஓரமாய் நான் அமர

ஒரு சோடிக் கிளிகள்

ஒரு கிளைதனில் காதல் செய்ய

ஒருமையில் என் மனம் தவித்து

ஒரு நிமிடம் நான் யோசிக்க

ஒன்றாம் வகுப்பிலிருந்து உரு மாறி பொருள் மாறி

ஒரு பானை சோத்துல

ஒரு சோறும் விடாம பதமாக்குகிற

ஒரு வேறுபாடும் பார்க்கா

ஒன்றி இருந்து ஓர வஞ்சனை காட்டா

ஒரு 'மை'யினாலான நண்பன்

ஒத்துழைத்து அவனிருக்க

ஒவ்வொரு பக்கமாய் அவனைத் திறக்க

ஒரு ஆயிரம் கேள்வி கேட்டு பதில் தந்து

ஒரு மனதை முழுமை செய்தான்

ஒருநாள் தனிமையினை நான் வென்றுவிட்டேன்.