மனிதம் மரித்த மனிதர்கள்

காட்டில் கம்பீரமாய்

பிரம்மாண்ட உருவாய்

பிரமிக்க வைக்கும் களிறே !

உன் வாழ்விடம் ஆக்கிரமித்தே

வாழும் மனித இனம் !

உன் வாழ்விடத்திற்கு உன் வரவை

தடை செய்யவே - 

தந்திரங்கள் பல கையாள்கிறான் !

உணவெனவே உன்னை ஏமாற்றி

வெடி மருந்தினை புகட்டியே

அப்படியென்ன ஆனந்தம் கண்டானோ?

நீயும் மதம் பிடித்தே துரத்தி இருந்தால்

நொடியேனும் உன்னருகில் நின்றிருப்பானோ ?

எவ்வளவு வலியும் வேதனையும் அனுபவித்தாயோ ?

உன் வலியும் வேதனையும் உணர்ந்த உன் சிசுவும்

மண்ணைக் தொடுமுன்னே

வலியை அனுபவித்த கொடுமையென்ன ?

மண் மனிதனுக்கு மட்டுமல்ல என்பதை

உணரத் தான் மறந்து விட்டான் !

பல்லுயிருக்கான வாழ்விடம் இப்புவியெனவே

மனிதன் உணரும் நாளில்

மனிதம் மறந்த மனித இனம்

மண்ணோடு மண்ணாய் போயிருக்கும் !