பள்ளி சான்றிதழ் பதிவேடு

இந்திய அரசுப் பள்ளியிலே

சாதி இல்லை மதமும் இல்லை

ஒன்றே குலம் ஒருவனே தேவன்

என்றே செம்மொழியான தமிழ்மொழியில்

காலை வணக்கப் பாடல்

ஒலித்திடும் மகிழ்வில்

எனது புத்தகங்களைப் புரட்டுகையில்

சாதியும் மதமும் இருப்பதைக்கண்டு

பதிவிட்ட ஆசிரியர் முகம்

பார்க்க அவரோ

சுவரில் காந்தி அம்பேத்கர் படங்களுக்கு

மாலையிட்டு மட்டும்

சென்றதன் காரணம்

புரியாமலே கரையான்களுக்கு சாதி மதம் குறிப்பிட்ட

இடத்தில் மட்டும்

அரித்திட இறைவன் ஆணையிட்டாரோ!