ଜେଜେ-ନାତି
ଜେଜେ-ନାତି
ରମାକାନ୍ତ ବେହେରା
ଜେଜେ ଯାଉଛନ୍ତି ନଇ ବନ୍ଧରେ ,
ନାଲିଆ ଗାମୁଛା ଅଛି କାନ୍ଧରେ ।
ଗାମୁଛା ଉପରେ ବସିଚି ନାତି ,
ଜେଜେ ଚାଲିଛନ୍ତି ଫୁଲାଇ ଛାତି ।
ମନ ତଳେ ତାଙ୍କ ଅସରା ଖୁସି ,
ନାତି ପରା ତାଙ୍କ ସରଗ ଶଶୀ ।
ଜୀବନ ଯାକର ଦୁଃଖ , ଯାତନା ,
ନାତି ମୁହଁ ପାଶେ ସେ ସବୁ ଚୁନା ।
କହନ୍ତି ବାବୁରେ ତୁ ମୋର ସବୁ ,
କୋଟି ପରମାୟୁ ଦିଅନ୍ତୁ ବିଭୁ ।
ମାଆ ସରସ୍ୱତୀ , ବାବା ଗଣେଶ ,
କରୁଥାନ୍ତୁ ପାଠ ରାଜ୍ୟେ ନରେଶ ,
ତତେ ନଦେଖିଲେ ମୁଁ ପରା ଅନ୍ଧ ,
ଧନରେ ତୁ ମୋର କଳା ଗୋବିନ୍ଦ ।