ଶେଷ ଯାତ୍ରା
ଶେଷ ଯାତ୍ରା
ଜୀବନ
ଏଠି ଦୁଇଟି ଭଙ୍ଗା ରୁଜା କାଠ ଯୋଡ଼ାର ରାସାୟନିକ ମିଶ୍ରଣର
ସୁଲଭ ଉତ୍ପତ୍ତି-।।
ଜୀବନରେ
କେତେବେଳେ ଉଠାଣି
ତ
କେତେବେଳେ ଗଡାଣି ।।
ଜୀବନ
ସମୟର ଚକ ତଳେ
ନିତି ଘସଡା ଖାଉଥିବା
ପାଦତଳ ଦୁଇଯୋଡ଼ା
ଛିଣ୍ଡାଜୋତା ।।
ଜୀବନ
ଜନ୍ମ, ଶୈଶବ,କିଶୋର, ଯୌବନ, ବାର୍ଦ୍ଧକ୍ୟ ,
ଜରା ମୃତ୍ୟୁର ସମିଶ୍ରଣର
ମିଶ୍ରତ ଫଳା ଫଳ ।।
ଜୀବନ
ପ୍ରେମ ଓ ସମ୍ପର୍କର ବିଭାଜନ ,
ଯେଉଁଠି ଗୁଣନୀୟ ଗୁଣିତକ ଠାରୁ
ସବୁବେଳେ
ବୃହତସଂଖ୍ୟା ବିଶିଷ୍ଠ -।।
ଜୀବନର ପ୍ରତିଟି
ପ୍ରଶ୍ବାସ ଓ ନିଶ୍ବାସ ଭିତରେ ଥିବା
ଗୋଟିଏ ବିଶ୍ବାସ -।।
ଜୀବନ
ମୈତ୍ରୀ,ବନ୍ଧୁତ୍ୱ ,ସହବାସର ଗୋଟିଏ
ମୃଦୁ ପରିହାସ-----।।
ଜୀବନ
ଧର୍ମ, କର୍ମ,ମୁକ୍ତି ,ନିର୍ବାଣର
ଶେଷ ଯାତ୍ରା -----------।।