କାଉଡି ଭାଇ
କାଉଡି ଭାଇ
ଡକ୍ଟର ଚାଇନା ପ୍ରଧାନ
କାଉଡିଭାଇରେ କାଉଡିଭାଇ
ସଅଳ ଚାଲ ଶିବ ନାମ ଗାଇ ।
ନୂଆ ବସ୍ତ୍ର ପିନ୍ଧି ଯାଅ ମନ୍ଦିର
ତୁମ୍ଭ କାନ୍ଧେ ଅଛି ପାଣିର ଭାର ।
ମହାଦେବଙ୍କ ମହିମା ଅପାର
ଅଶେଷ ନାମରେ ଖ୍ୟାତ ସେ ହର ।
ସିଏ ଲିଙ୍ଗରାଜ ସେ ଲୋକନାଥ
ସିଏ ସଦାଶିବ ସେ ଭୋଳାନାଥ ।
ଯିଏ ଡାକୁ ତାଙ୍କୁ ଯେଉଁ ନାମରେ
ପୂଣ୍ୟ ଫଳ ଲଭେ ସିଏ ସଂସାରେ ।
ଶ୍ରାବଣ ମାସ ପ୍ରତି ସୋମବାରେ
ମୁକ୍ତି ମିଳେ ପାଣି ଦେଲେ ଭକ୍ତିରେ ।
ଏଣୁ ଯାଉ କାଉଡି ଭାଇ ତୁହି
ବରଷା ଖରାକୁ ଖାତିରି ନାହିଁ ।
ଶିବଙ୍କ ମନ୍ଦିରେ ପହଞ୍ଚତ୍ୟାଇ
ଭୋଗ କରିଥାଉ ତୁ ଖୁସି ହୋଇ ।
ତୋର ଦୁଃଖ ତୁହି ଦେବୁ ଜଣାଇ
ବିଶ୍ୱ ହିତ କଥା କହିବୁ ଯାଇ ।
ଭାଗ୍ୟବାନ ତୁହି କାଉଡି ଭାଇ
ତୋ ଭାବ ଭକ୍ତିର ତୁଳନା ନାହିଁ ।
ଧନ୍ୟ ଧନ୍ୟ ତୁହି କାଉଡି ଭାଇ
ଶିବଙ୍କୁ ଡାକିବା ଏକାଠି ହୋଇ ।
ଶିବ ସାଧିଥାନ୍ତି ଜଗତ ହିତ
ହେ ପ୍ରଭୁ ଘେନ କୋଟି ଦଣ୍ଡବତ ।