ସ୍ଵାଧୀନତା
ସ୍ଵାଧୀନତା
ଦେବଦତ୍ତ ମିଶ୍ର
ଫୁଙ୍ଗୁଳା ଛାତି, ଭୋକିଲା ପେଟ ପାଇଁ
କ’ଣ ଫରକ ପଡେ
ସ୍ବାଧିନତାର ଅର୍ଥ ?
ସେ ସତୁରି ହେଉ କି ଏକସ୍ତରି
ଫି’ ବର୍ଷ ସ୍ଵାଧୀନତା ଆସେ l
ଏବେ ବି
ରାସ୍ତା କଡ଼ରେ ବିତିଯାଏ ଜୀବନ
ଟ୍ରାଫିକରେ ଭିକ ମାଗେ
ଗୋଟିଏ ନିଷ୍ପାପ ମୁହଁ
ଦୁଇଟି ରେଖା ହିନ ପାପୁଲି l
ସେ ମୁହଁରୁ ଜାଣି ହୁଏନି
ହସ ଓ କାନ୍ଦର ପରିଚୟ
ସୁଖ ଓ ଦୁଃଖର ଠିକଣା l
ଲୁହ ଦିଶେ ଲହୁ ଭଳି l
ପୁଣି ଏକ ସ୍ଵାଧୀନତା ଦିବସ କଟିଯାଏ
ପ୍ଲାଷ୍ଟିକ ପତାକା ଗୋଟେଇ ଗୋଟେଇ
ବାସ
ଏଇ ବୋଧେ ସ୍ଵାଧୀନତା l