ସମ୍ପର୍କ

ନିଜ ପ୍ରିୟ ବ୍ୟକ୍ତିପାଇଁ ସମୟ କାଢ଼ିବାକୁ ପଡେ lକର୍ତ୍ତବ୍ୟ କରୁ କରୁ ସମୟ ବିତିଯାଏ ଜାଣିହୁଏନି, କେବେ ସ୍ୱପ୍ନ ତ କେବେ ପୁଣି ସ୍ମୃତି ହିଁ ଆମ ଜୀବନ ଯିଇଁବାର ସାଥୀ ସାଜେ....

      ସମ୍ପର୍କ ଚିର ସତନ୍ତ୍ର ପବିତ୍ର ଆଉ ଦୃଢ କରିବାକୁ ହେଲେ ସମ୍ପର୍କକୁ ସମୟ ଦେବାକୁ ପଡେ l ବେସ୍ତ ବହୁଳ ଜୀବନରେ କଣ ମୌକା ମିଳେ?ଆମକୁ ବାହାର କରିବାକୁ ପଡେ ନା....ଶ୍ରଦ୍ଧା l

ଏମିତି କେତେ କଣ କହୁଥିଲା ସେ କିନ୍ତୁ ମୁଁ ଶୁଣି କି ଅଶୁଣା l

ମୁଁ ବାରମ୍ବାର ଗୋଟିଏ କଥା କହୁଥାଏ...ତମେ କିନ୍ତୁ ଏତେ ଅବୁଝା ହେଲେ କେମିତି ହେବ କହିଲ? ଶ୍ରଦ୍ଧା...

     ମୁଁ ଯଦି କାମ କରିବିନି ଆମ ପରିବାର କେମିତି ଚଳିବ କହିଲ? ସବୁଥର ତମର ଗୋଟିଏ ପ୍ରଶ୍ନ ଏତେ ଦିନ ପରେ ଆସିଛ?କେମିତି ଅଛ? ପ୍ରଶ୍ନ କଣ ପଚାରିବ, ଏ ସବୁ କଥାର ଉତ୍ତର ଦେବାକୁ ମୋ ପାଖରେ ସମୟ ନାଇଁ ... କାମ ପୁଣି ଅଛି ଆସନ୍ତାକାଲି ଫେରିବାକୁ ପଡିବ l

       ଶ୍ରଦ୍ଧା ପୁଣି ପାଟି କଲା... ହଁ ହଁ... ଏ ସବୁ ତମକୁ ଖରାପ ଲାଗୁଛି ନା...ତମେ କାହିଁକି କଥା ହେବ?ଯାଉନ ଆଜି ହିଁ ପଳେଇଯାଅ....କାହିଁକି ଘରେ ରହିବ l ଟିକେ ବସି କି କଥା ହେଉନ,ଯାଇ ତମ କାମ କର,ଦିନ ଆସିବ ମୁଁ ପାଖରେ ନ ଥିବି ମନେ ପଡୁଥିବି ଯେ... l

     ଯାଅ....ଖାଲି ଏବେ ବି ଅଭିମାନ କରି କେମିତି ଆମ ସମୟ ବିତିଯାଉଛି ନା...ଦେଖୁଛ ଆକାଶ, ଏହିପରି କେତେ ବର୍ଷ ବିତିଯାଇଛି l

       ତମ ଅପେକ୍ଷାରେ ମୋ ଲୁହ ଶୁଖି ଯାଇଛି l ତମେ ଘରକୁ ଆସିଲେ ଆଗରୁ ଲୁଚି କି ମୋତେ ଦେଖା କରିବାକୁ ଆସୁଥିଲ ହେଲେ ବିବାହ ପରେ ତମେ ମୋତେ ଭୁଲିଗଲଣି l ପାଖରେ ଥାଇ ମୁଁ ପାଖରେ ନାହଁ ପରି ଲାଗୁଛି l ମୁଁ ତ ତମକୁ କାମ କରିବାକୁ ମନା କରୁନି l ହେଲେ ଏତେ କଣ ବେସ୍ତ ଯେ ସ୍ତ୍ରୀ ପାଇଁ ସମୟ ନାହଁ l

      କଣ ବିବାହ ପରେ ସବୁ ପରିବର୍ତ୍ତନ ହେଇଯାଏ? ଯେ ସାମାନ୍ୟ କଥା ହେବାକୁ ମଧ୍ୟ ସମୟ ନାହଁ l ଶ୍ରଦ୍ଧାକୁ ବୁଝାଇ ଦିଏ ମୁଁ, ଆରେ ବେସ୍ତ କାହିଁକି ହେଉଛ?ମୁଁ ତ ସବୁବେଳେ ତମର କୁଆଡେ କଣ ଚାଲି ଯାଉଛି ନା... କିସ ଯେ,ତମେ ଖାଲି ସବୁବେଳେ ଅଭିଯୋଗ କରୁଛ l କଣ ଟିକେ ଭଲ ମନ୍ଦ କଥା ହେବି ତମ ଶୁଖିଲା ମୁହଁ ଦେଖି ମୋତେ ରାଗ ଲାଗିଲାଣି l ଛାଡ଼ ତମକୁ ବୁଝେଇ ହେବନି... କହି  ରାଗି ଚାଲି ଆସିଲି l

    ସେ ଦିନ ଭାବୁଥିଲି, ଏ ଝିଅମାନଙ୍କୁ ବୁଝିବାକୁ ଭାରି ମୁସ୍କିଲ.... ପାଖରେ ନ ଥିଲେ ଝୁରି ହେବେ l ଆଉ ପାଖକୁ ଗଲେ କେବଳ କିଚକିଚ... ଓଃ... ମଲା ମଣିଷ....ଏ ଝିଅକୁ କେମିତି ବୁଝିବ? ଯେତେବେଳେ ଭଗବାନ ମଧ୍ୟ ହାର ମାନିନେଇଛଅନ୍ତି l

          ସେ ଯାହା ବି ହେଉ ରାଗିଲେ କିନ୍ତୁ ଶ୍ରଦ୍ଧା ବହୁତ ସୁନ୍ଦର ଦେଖାଯାଏ  l ହେଲେ କଥା ନ ହେଲେ ମୋତେ ବହୁତ କଷ୍ଟ ହୁଏ  l

     ତା ରାଗ କମ କରିବାକୁ ତାକୁ କେବେ କେମିତି ଦାମୀ ଉପହାର ଦେବାକୁ ଚାହେଁ ମୁଁ,ହେଲେ ସେ କଣ କେବେ ନିଏ... ଉଲଟା ଗାଳି କରିବ...ଯେ ମୋତେ ଏ ବସ୍ତୁ ଜିନିଷ ଦରକାର ନାଇଁ...କଣ ଟଙ୍କା ଗୁଡାକ ଅଧିକ ହେଉଥିଲା ଯେ,ଏ ଜିନିଷ ଗୁଡା ନେଇ ଆସିଲ l ତମେ ଯେଉଁ ଏଇ ଉପହାରଟଙ୍କା ରୋଜଗାର କରିବାକୁ ସମୟ ନେଇଛ, ସେଥିରୁ କାଣିଚାଏ ସମୟ ମୋତେ ଦେଇଦେବ l ଏତେ କଷ୍ଟରେ ପରିଶ୍ରମ କରି ରୋଜଗାର କରୁଛ, ତାକୁ ସଂଚୟ କରି ରଖ ନା ଆଗକୁ କାମ ଦେବ ଖୁସି କିଣିବ l କେତେ ଆଉ ମୁଁ କହିବି...ମୋତେ ଟଙ୍କା ନୁହେଁ ତମ ସମୟ ଦରକାର...

         ସେ ସବୁବେଳେ ଜିଦ କରେ ତମେ ଚାଲି ଆସିବ ମୋ ସହ କିଛି କ୍ଷଣ ବିତେଇବ l ତମ ଛାତିରେ ମୁଣ୍ଡ ଲଗେଇ ବାସ....ଏ ବିତୁଥିବା ସମୟକୁ ତମ ସହ ଅତିବାହିତ କରିବାକୁ  ଚାହେଁ l ତମ କିଛି ମୁହୂର୍ତକୁ ଆମ ସମୟ କରିବାକୁ ଚାହେଁ...ଅନୁଭବ କରିବାକୁ ଚାହେଁ...ଏମିତି କେତେ କଣ!!!

      ମୋତେ ଦାମୀ ଶାଢ଼ୀ, ଗୋହଣା ଟଙ୍କା କିଛି ଦରକାର ନାହିଁ ବାବା...କିଛି ସମୟ ଦରକାର....!!

           ସେ କହୁଥିବା ସମୟରେ ତା ମୁହଁରୁ ମୋ ଆଖି ହଟେନି... ତା ପ୍ରତି ଭଲ ପାଇବା ଆଉ ସମ୍ମାନ ଆହୁରି ବଢିଯାଏ.....

  ଶ୍ରଦ୍ଧା କହିଥିବା କଥାଗୁଡିକ ଆଜି ଭାରି ମନେ ପଡୁଛି ..!        ଏମିତି ସବୁବେଳେ ଶ୍ରଦ୍ଧା ଅଭିଯୋଗ କରେ l ଆଉ ମୁଁ ବୁଝେଇ କୁହେ ଆରେ... ତମେ ବେସ୍ତ କାହିଁକି ହେଉଛ କହିଲ?ଦିନ ଆସିବ, ଆମ ପାଖରେ ସମୟ ହିଁ ସମୟ ଥିବ,ଆମ ପିଲାମାନେ ବଡ଼ ହେଇ ଯାଇଥିବେ l ମୁଁ ଚାକିରୀରୁ ଅବସର ନେଇଥିବି l ଆମେ ସାଙ୍ଗ ହେଇ କେତେ ଗୋପିବା ତମେ ସେତେବେଳେ ନିଜେ ବିରକ୍ତ ହେବ କହିଦେଉଛି l

:-ଛାଡ଼ ମ... ନିଜ ପ୍ରିୟ ବ୍ୟକ୍ତିଙ୍କ ସହ ସମୟ ବିତେଇବାକୁ କଣ କାହାକୁ ବିରକ୍ତ ଲାଗେ l ଯେତେ ସମୟ ହେଲେ ବି ପରା କମ ଲାଗେ l

-ମୁଁ ଜାଣେ ଶ୍ରଦ୍ଧା... ତମେ ମୋତେ କେବେ କିଛିରେ ଅଭିଯୋଗ କରିନ, କେବଳ ସମୟ ଛୋଡ଼ା...! ତମ ପାଇଁ ଏହା ହିଁ   ମୂଲ୍ୟବାନ l ହେଲେ ମୁଁ ଆଉ କଣ କରବି କହିଲ? ଘରର ଆବଶ୍ୟକତା ପୂରଣ, ଆଉ ପିଲାମାନଙ୍କୁ ଭଲ ଭବିଷ୍ୟତ ଦେବା ପାଇଁ ହେଲେ କାମ କରିବାକୁ ତ ପଡିବ l ମୁଁ ନିଜ ପାଇଁ ସମୟ କାଢି ପାରୁନି ତମ ପାଇଁ କେମିତି କାଢିବି..

:-ସମୟ କାଢ଼ିବାକୁ ପଡ଼େ...ଆକାଶ... ନିଜ ପ୍ରିୟବ୍ୟକ୍ତି ପାଇଁ 

କିନ୍ତୁ ତମକୁ ବୁଝେଇ ପାରିବିନି l ମୁଁ ମୋ କର୍ତ୍ତବ୍ୟରେ କେବେ ହେଳା କରିନି l ତମ ବାପାମାଆଙ୍କ ଯତ୍ନ ନିଜ ବାପାମାଆଙ୍କ ପରି ନେଇଛି l ପିଲାମାନେ କିପରି ଭଲରେ ରହିବେ ଧ୍ୟାନ ଦେଇଛି l    

   ହେଲେ ଆଜିକାଲି କାହିଁକି କେଜାଣି ମୋତେ କିଛି ଭଲ ଲାଗୁନି.... ତମଠୁ ଦୂରେଇ ରହିବାକୁ ଇଚ୍ଛା ହେଉନି... କହି ସେ ଦିନ ଶ୍ରଦ୍ଧା ବହୁତ କାନ୍ଦିଥିଲା, ହେଲେ ମୁଁ ବୁଝି ପାରିନଥିଲି....

      କିଛି ଦିନ ପରେ ସେ ମୋତେ ସବୁଦିନ ପାଇଁ ଛାଡି ଅଫେରା ରାଜ୍ୟକୁ ଚାଲିଯିବ ଜାଣି ନ ଥିଲି l

  ...... ଆଜିକୁ ବହୁତ ବର୍ଷ ବିତିଗଲାଣି l ପିଲାମାନେ ନିଜ ନିଜ କାର୍ଯ୍ୟରେ ବେସ୍ତ ହେଇଗଲେଣି l ମୋ ସହ ବସି ଭଲ ମନ୍ଦ କଥା ହେବାକୁ କାହା ପାଖରେ ସମୟ ନାହିଁ l ମୁଁ ମଧ୍ୟ ଅଭିଯୋଗ  କରେନି l ମନେପକାଏ ଶ୍ରଦ୍ଧା,କହୁଥିବା କଥା ସବୁକୁ l

       କେବେ କେବେ ଶ୍ରଦ୍ଧାର ଫୋଟ ଆଗରେ ବସି ବହୁତ କଥା ହୁଏ l ଅଭିଯୋଗ କରେ... ଏମିତି ଲାଗେ ସେ କାନ ଡେରି ସବୁ ଶୁଣୁଛି, ଆଖିରେ ଅଜଣା ଲୁହ ସବୁ ଜୋକେଇ ଆସେ ଆଉ ଭାବେ ମୁଁ ଆଜି ଶ୍ରଦ୍ଧା ହେଇଯାଇଛି.....!