ମିଡ୍ ନାଇଟ ପାର୍ଟି

ମିଡ଼ନାଇଟ ପାର୍ଟି

         ଦର୍ପଣ ସମ୍ମୁଖରେ ସତ୍ୟଭାମା ନିଜକୁ ସଜାଇବା ରେ ଲାଗିଥାନ୍ତି l ମୁହଁ ଟା ତାଙ୍କର ଶୁଖିଯାଇଛି l ଯେତେ ବୁଝାଇଲେ ବି ମନ ମାନୁନି l କି ଲାଭ ଏ ବାହାରର ସାଜସଜାରୁ l ମନ ଟା ତ ସେହିଦିନ ମରି ଯାଇଛି ଯେଉଁ ଦିନ ସେ ବୁଝି ପାରିଥିଲେ ତୁଷାର ତାଙ୍କର ଏ ଶରୀରଟାକୁ ଭଲ ପାଆନ୍ତି ତାଙ୍କୁ ନୁହଁ l ଆଜି ତାଙ୍କ ବିବାହ ର ପ୍ରଥମ ବାର୍ଷିକୀ l ତୁଷାର ମେସେଜ କରିଛନ୍ତି ରେଡି ହେଇ ରହିବା ପାଇଁ, ସନ୍ଧ୍ୟା 7ଟା ରେ ଅଫିସ ରୁ ଫେରିଲେ ହୋଟେଲ ରୟାଲ ରେ ସେମାନଙ୍କ ବିବାହ ବାର୍ଷିକୀ ନିମିତ୍ତ ପାର୍ଟି ର ଆୟୋଜନ କରିଛନ୍ତି l ତାଙ୍କର ବେଷ୍ଟ ଫ୍ରେଣ୍ଡ ଆକାଶ ପଟେଲ ଓ ଅନ୍ୟ ସାଙ୍ଗ ମାନେ ଆସିବେ l ତାଙ୍କ ଇଚ୍ଛା କିମ୍ବା ଅନିଚ୍ଛା ର କିଛି ମାନେ ନାହିଁ l  

      ଦୁଇ ଭାଇ ରେ ଗୋଟିଏ ଭଉଣୀ ସତ୍ୟଭାମା, ଭାରି ଗେଲ୍ହା ରେ ବଢ଼ି ଆସି ଛନ୍ତି l ବାପା ତାଙ୍କର ଘରକୁ ଜ୍ୟୋତିଷ ଡକାଇ ସମସ୍ତଙ୍କର ଜାତକ ତିଆରି କରିଥିଲେ l ବଡ଼ ଭାଇ ଶୁଭେନ୍ଦୁ ଓ ସାନ ଭାଇ କମଳେନ୍ଦୁ ଉଭୟ ଙ୍କ ଜାତକ କହୁଥିଲା ସେମାନେ ସତୁରି /ଅଶୀ ବର୍ଷ ନିଶ୍ଚୟ ବଂଚିବେ l ବହୁତ ବଡ ଚାକିରୀ କରିବେ ଇତ୍ୟାଦି l ହେଲେ ଦୁର୍ଭାଗ୍ୟ ମାତ୍ର ସାତ /ଆଠ ବର୍ଷ ବୟସ ରେ ଦୁଇ ଭାଇ ତାଙ୍କର ଏକ ମର୍ମନ୍ତୁଦ ସଡକ ଦୁର୍ଘଟଣା ରେ ଟ୍ରକ ଚାପା ରେ ସବୁଦିନ ପାଇଁ ଆଖି ବୁଜି ଦେଲେ l ସତ୍ୟଭାମା ର ବୟସ ସେତେବେଳକୁ 5ବର୍ଷ l ଭାଇ ର ବିଚ୍ଛେଦ ସେ ବୟସ ରେ ସେ ଯେତିକି ଅନୁଭବ କରି ନ ଥିଲେ, ଆଜି ପ୍ରତି ମୁହୂର୍ତ୍ତ ରେ, ପ୍ରତି ଦିନ ସେ ସେହି ଭାଇ ମାନଙ୍କ ର ଉପସ୍ଥିତିକୁ ମନେ ମନେ ଝୁରି ହେଉଛନ୍ତି ଆଉ କାନ୍ଦି କାନ୍ଦି ଇଶ୍ୱରଙ୍କୁ ଏତିକି କହୁଛନ୍ତି ପ୍ରଭୁ ଏମିତି ଦୁଃଖ ଜୀବନରେ କାହାକୁ ବି ନ ଦିଅନ୍ତୁ l ଶଶିକଳା ପରି ବଢ଼ି ଉଠିଲେ ସତ୍ୟଭାମା l ଯାହା ପୁଅକୁ ସାପ କାମୁଡି ଥାଏ ତା ମା' ପାଳ ଦଉଡି ଦେଖିଲେ ଡରେ l ସତ୍ୟଭାମା ଙ୍କୁ ଆଉ ଦୂରକୁ ଯାଇ ପାଠ ପଢିବାର ସୁଯୋଗ ମିଳିଲା ନାହିଁ l ନନା ଙ୍କ ବାଧ୍ୟବାଧକତା ରେ ସେ ଦଶମ ଶ୍ରେଣୀ ପର୍ଯ୍ୟନ୍ତ ପଢିବାର ସୁଯୋଗ ପାଇଲେ l ସେଥିରେ ବି ସେ ଫାଷ୍ଟ କ୍ଲାସ ପାଇ ପାସ କଲେ l ତା 'ପରେ କଲେଜରେ ନାମ ଲେଖାକୁ ବହୁତ ବିରୋଧ ଆସିଲା l ଶେଷରେ ଘରେ ରହି ଡିଷ୍ଟାନ୍ସ କୋର୍ସରେ ପରୀକ୍ଷା ଦେଇ ଗ୍ରାଜୁଏସନ କଲେ l ୟା ଭିତରେ ଅନେକ ପ୍ରସ୍ତାବ ବିବାହ ଲାଗି ଭିଡ଼ ଜମେଇବା ଆରମ୍ଭ କରିଦେଇ ଥିଲେ l ବାପା ଆଗ ଜାତକ ମିଳାଉ ଥିଲେ l ଦିନେ ଖୁସିରେ ବାପା ମା'ଙ୍କୁ କହୁଥାନ୍ତି ଆମକୁ ଆଉ ଖୋଜିବାକୁ ପଡିବନି l ଏ ଯେଉଁ ଜାତକ ସେଦିନ ଆସିଥିଲା ସେଇଟା ପୁରା ରାଜଯୋଟକ ହେଇଚି, ଆଉ କାଳ ବିଳମ୍ବ ନ କରି ବାହାଘରଟା ସାରିଦେଲେ, ଆମକୁ ପୁଅ ଗୋଟିଏ ମିଳିଯିବ l ବାପାଙ୍କର ଏଇ ପଦକ କଥା ସେଦିନ ସତ୍ୟଭାମାଙ୍କୁ ନିରୁତ୍ତର କରିଦେଲା, ସେ ଆଉ ବିବାହ ପାଇଁ ମନା କରି ପାରିଲେ ନାହିଁ l ଯଥାଶୀଘ୍ର ତୁଷାର ସହ ତାଙ୍କର ବାହାଘର ବଡ ଧୁମଧାମ ରେ ସରିଗଲା l ଯେଉଁ ଦିନ ମା'ପ୍ରଥମ କରି ତୁଷାର ପାଟିରେ ମିଠା ଗୋଟେ ପୂରାଇ ଦେଲେ, ସେଦିନ ସେ ମିଠାକୁ ଦୂରକୁ ଫିଙ୍ଗି ଦେଇ କହିଲେ, ଛି ମିଠା ଖାଇଲେ ସୁଗାର ବଢ଼ିଯିବ, ମମି ଆଉ ମିଠା ଦେବେନି l ସେହିଦିନ ବାପା ବୁଝି ଯାଇ ଥିଲେ କେମିତିକା ପୁଅଟେ ପାଇଛନ୍ତି ସେମାନେ l ତଥାପି ସମୟ କୁ ଅପେକ୍ଷା କଲେ, କାଳେ ନୂଆ ନୂଆ ଏମିତି ବ୍ୟବହାର, ପୁରୁଣା ହେଲେ ଆଦର ବଢ଼ିଯିବ ଆଉ ସେମାନେ ଭୁଲିଯିବେ ନିଜର ପୁତ୍ରଶୋକ l        ବିବାହର ଆଠ ଦିନ ନ ପୁରୁଣୁ ତୁଷାର ସତ୍ୟଭାମା ଙ୍କୁ ସାଙ୍ଗରେ ନେଇ ଦିଲ୍ଲୀ ଚାଲି ଆସିଲେ l ତାଙ୍କର କାଳେ ଛୁଟି ବେଶୀ ଦିନର ନ ଥିଲା l ସତ୍ୟଭାମା କିନ୍ତୁ ମା'ବାପାଙ୍କୁ ଛାଡି ଦିଲ୍ଲୀଆସିବାକୁ ମନା କରି ଦେଇଥିଲେ l ହେଲେ ମା' ତାଙ୍କର ବୁଝାଇ ଶୁଝାଇ କହିଲେ ଏଇଟା ତାଙ୍କର କର୍ତ୍ତବ୍ୟ 'ସ୍ୱାମୀ ଙ୍କ ପାଖରେ ରହିବା l ବାପା ବି ମୁଣ୍ଡ ଟୁଙ୍ଗlରିଲେ l ବାଧ୍ୟ ହେଲେ ସତ୍ୟଭାମା ନିଜ ସୁଟକେଶ ରେଡି କରିବା ପାଇଁ l ସେହିଦିନ ଠୁ ଆଜି ଯାଏ ସେ ଆଉ ଓଡିଶା ମାଟି ଛୁଇଁ ନାହାନ୍ତି l ମl' ବାରମ୍ବାର ଡାକିଲେ ତା ସହ ଭିଡ଼ିଓ କଲିଙ୍ଗ କରି କଥା କରେଇ ଦିଅନ୍ତି, ବାସ ସରିଲା l ଗୋଟିଏ ବର୍ଷରେ ଲାଗୁଚି ସତେ ଅବା ସେ ଦଶ ବର୍ଷର ନର୍କ ଯାତନା ଭୋଗି ସାରିଲେଣି l      ଡୋର ବେଲ ର ଶବ୍ଦରେ ସତ୍ୟଭାମା ଦର୍ପଣ ସମ୍ମୁଖରୁ ଉଠି ଠିଆ ହେଲେ l ତୁଷାର ଆସିବl ମାତ୍ରେ ଉଭୟେ ସଂଗେ ସଂଗେ ବାହାରି ଗଲେ ହୋଟେଲ ରୟାଲ ଅଭିମୁଖେ l ଅବଶ୍ୟ ତୁଷାରର ପୋଷାକ ପରିପାଟୀ ବେଶ ଆକର୍ଷଣୀୟ ଓ ସୁଇଟ ପରଫିଉମ ର ସୁଗନ୍ଧ ତାକୁ ଆହୁରି ଆକର୍ଷଣୀୟ କରି ଦେଉ ଥିଲା l ସତ୍ୟଭlମା ମଧ୍ୟ ବିନା ସାଜସଜାରେ କେଉଁ ଥିରେ କମ ନ ଥିଲେ l   

       ବେଶ ସୁନ୍ଦର ସାଜସଜା, ଆକର୍ଷଣୀୟ ପାର୍ଟି, ଡ୍ୟାନ୍ସ ସବୁ ଉଭର ହେବା ପରେ ସାଙ୍ଗମାନେ ଫେରିଗଲେ, ମାତ୍ର ତୁଷାର କହିଲେ ସେମାନେ ରାତିଟା ହୋଟେଲ ରେ ହିଁ ରହିବେ l ଏଇ ଗୋଟାଏ ବର୍ଷ ଭିତରେ ତୁଷାର ନିଜ ଅହମିକା ଭାବରୁ ହେଉ ଅବା ଅନ୍ୟ କେଉଁ କାରଣରୁ ସତ୍ୟଭାମାର କଥାକୁ କେବେ ବି ଗୁରୁତ୍ୱ ଦେଇ ନାହାନ୍ତି l ଏକଥା ଜାଣି ଥିବାରୁ ସତ୍ୟଭାମା ଚୁପଚାପ ଖାଇବା ଟେବୁଲ ନିକଟରେ ବସିଥାଆନ୍ତି l ଏତିକି ବେଳେ ତୁଷାର ତାଙ୍କ ସାଙ୍ଗ ଆକାଶର ହାଫ ପ୍ୟାଣ୍ଟ ପିନ୍ଧା ୱାଇଫ ସହିତ ଉଠି ଗୁଡ଼ ନାଇଟ କହି ହୋଟେଲର ଗୋଟିଏ ରୁମ ଆଡକୁ ଅଗ୍ରସର ହେଲେ l  ଆକାଶ ସତ୍ୟଭାମାର ହାତକୁ ଧରି ଜବରଦସ୍ତ ତାଙ୍କ ସହ ଅନ୍ୟ ଏକ ରୁମକୁ ଭିଡି ନେଇଗଲେ l ସତ୍ୟଭାମାର ପାଦ ତଳୁ ମାଟି ଖସିଗଲା ପରି ମନେ ହେଲା l ସେମିତି ଗୋଟିଏ ସ୍ମାର୍ଟ ବି ନୁହଁ ସଂଗେ ସଂଗେ ପୋଲିସର ସହାୟତା ନେଇ ପାରିବେ l ଆକାଶ ଖୁବ ଗୋଟାଏ କ୍ଲାସ ନେଉଥାଏ ତାଙ୍କର, ବଡ ଘର ମାନଙ୍କରେ ଏସବୁ ଗୋଟିଏ ଖୁସିର କଥା, ଗୋଟିଏ ବିଶେଷ ଦିନର ସାଧାରଣ କଥା l ଏଥିରେ ବ୍ୟସ୍ତ ହେବାର କିଛି ନାହିଁ l କମ ଅନ୍ l ଏଞ୍ଜୟ ଦି ନାଇଟ ଉଇଥ ମି l ସତ୍ୟଭାମା ରକ୍ଷଣଶୀଳ ପରିବାର ର ଝିଅ l ମା'ବାପାଙ୍କୁ ଖୁସି ରଖିବା ପାଇଁ ତୁଷାର ଭଳି ଗୋଟିଏ ଅମଣିଷ ସହିତ ସେ ଆଡଜଷ୍ଟ କରି ଆସୁଛନ୍ତି, ହେଲେ ଏ ଭଳି ମହାପାପ ସେ କରିପାରିବେ ନାହିଁ l  ଆକାଶ ଏତେ ମାତ୍ରାରେ ମଦ୍ୟପାନ କରି ଥିଲେ ଯେ ସତ୍ୟଭାମାର କୌଣସି ବି ଶବ୍ଦ ତାଙ୍କ କାନରେ ପଡୁ ନ ଥିଲା l ଶେଷରେ ସେ ସତ୍ୟଭାମାଙ୍କ ଉପରେ ବଳ ପ୍ରୟୋଗ କରିବାକୁ ଚେଷ୍ଟା କରନ୍ତେ, ସତ୍ୟଭାମା କିଛି ଉପାୟ ନ ପାଇ ସେଇ ରୁମକୁ ଲାଗି ଥିବା ଵାଲକୋନିରୁ ତଳକୁ ସିଧା ଡେଇଁ ପଡିଲେ l ଆକାଶ ବି ବେହୋସ ଅବସ୍ଥାରେ ସେହି ରୁମ ର ବେଡ଼ ଉପରେ ଟଳି ପଡିଲେ l ରାତି ପହିଲାରୁ ସବୁ ଖବର କାଗଜରେ ବଡ ବଡ ଅକ୍ଷର ରେ ହେଡ଼ ଲାଇନ ଥିଲା ମିଡ଼ନାଇଟ ପାର୍ଟି ରେ "ଅତ୍ୟଧିକ ମଦ୍ୟପାନ ହେତୁ ମହିଳାଙ୍କ ମୃତ୍ୟୁ "l