Unmask a web of secrets & mystery with our new release, "The Heel" which stands at 7th place on Amazon's Hot new Releases! Grab your copy NOW!
Unmask a web of secrets & mystery with our new release, "The Heel" which stands at 7th place on Amazon's Hot new Releases! Grab your copy NOW!

Ranjan Kumar Brahma

Inspirational

3.8  

Ranjan Kumar Brahma

Inspirational

କ'ଣ ନ ହେଲା ସେଦିନ

କ'ଣ ନ ହେଲା ସେଦିନ

3 mins
54



ଶ୍ରୀଧରବାବୁ ଦ୍ଵିପହର ବେଳରେ ଘରକୁ ଫେରିଲେ । ମନକୁ ମନ କହିଲେ, ’ସେ ଯେଉଁ କାମପାଇଁ ବାହାରକୁ ଯାଇଥିଲେ ତାହା କିଛି ହେଲାନହିଁ’ । ହାତରୁ ବ୍ୟାଗଟିକୁ ନେଇ ଥାକରେ ରଖିଲେ । ପିନ୍ଧିଥିବା ପୋଷକକୁ ବଦଳାଇ ହ୍ୟାଙ୍ଗରରେ ଝୁଲାଇ ପଙ୍ଖା ତଳେ ବସିଗଲେ । ଧାରାଶ୍ରାବଣ ମାସରେ ବି ଦେହରୁ ଝାଳ ନିଗିଡି ପଡୁଥାଏ । ଗାମୁଛାଟିଏ ପିନ୍ଧି ତଳେ ବସି ଦେହରଗନ୍ଧ ହଟାଇବାର ପ୍ରୟାସ ଜାରିରଖିଥିଲେ ଶ୍ରୀଧରବାବୁ । ହଠାତ ତାଙ୍କର ଝିଅ ପାଟିକଳା, ‘ ବାବା ଆସିବାମାତ୍ରକେ ଘର ସାରା ବାସନାରେ ଚହଟିଗଲା’ । କାମ ବ୍ୟସ୍ତରେ ଥିବା ଘରମଣୀ ହଠାତ ରକ୍ତଚାଉଳ ଚୋବାଇବାରେ ଲାଗିଲେ । କାମଛାଡି ବାବୁଙ୍କ ପାଖକୁ ଆସି ପ୍ରଶ୍ନ ଉପରେ ପ୍ରଶ୍ନ ପଚାରିବାକୁ ଲାଗିଲେ । “ ସତକୁହ, ତୁମେ କାହା ପାଖକୁ ଯାଇଥିଲ ? କାହାକୁ ବସାଇ ଗାଡିରେ ନେଇଥିଲ ? କାମ ବାହାନାରେ ବାହାରକୁ ଯାଇ, କାହା ପାଖରେ ଏତେ ସମୟ ଯାଏଁ ରହିଥିଲ “? ଘରମଣୀଙ୍କ ପ୍ରଶ୍ନରେ ବାବୁଙ୍କ ଦେହର ଝାଳ ଶୁଖିବ କ’ଣ ପୁଣି ଝରିବାକୁ ଲାଗିଲା । ଶାନ୍ତ ଉତ୍ତରରେ ବାବୁ କଥାକୁ ଟାଲୁଥିଲେ ବି ଘରମଣୀ ନଛୋଡବନ୍ଧା । ଅବୁଝି, ହ୍ୟାଙ୍ଗରରୁ ଟି ସାର୍ଟ ଟିକୁ ଆଣି ନିଜ ନାକ ପାଖକୁ ନେଲେ ଓ ନାକକୁ ଲଗାଇ ବୋତାମ ପାଖ, ପକେଟ , ବାକ୍ରାମ ଏବଂ ଦେହ ପାଖକୁ ଶୁଙ୍ଘିବା ଆରମ୍ଭକଲେ । ଖାଲି ସେତିକି ନୁହଁ, ଝିଅ ପାଖକୁ ନେଇ ଟି ସାର୍ଟ ଟିକୁ ହଲାଇ ବାସ୍ତବତା ପରଖିଲେ । ଟି ସାର୍ଟରୁ ସୁଙ୍ଗଧ ଆସୁଥିବାର ପ୍ରମାଣିତ ବି କଲେ । ତାଙ୍କର କେଉଁ କେଉଁ ସାଙ୍ଗ ଅତର ବ୍ୟବହାର କରୁଛନ୍ତି ସମସ୍ତଙ୍କୁ ଗୋଟି ଗୋଟି କରି ମନେପକାଇଲେ । ଘରମଣୀଙ୍କ ଏପରି ବ୍ୟବହାରରେ ଶ୍ରୀଧରବାବୁ ପୁରା ଖପା । ନିଜକୁ ଆଦୌ ବୁଝାଇପାରିଲେ ନାହିଁ ।


“ଏ ଅବୁଝା ଅଣ୍ଡିରାକୁ ନେଇ ସେ କ’ଣ ବା କରିବେ ? କେତେ କହିଲେ ବି ବୁଝୁନାହାନ୍ତି । ନିଜେ ମରିବେ ଆମକୁ ମାରିବେ । ଦୀର୍ଘ ପାଞ୍ଚ ମାସ ହେଲା ଘରକୁ, ଘରପରିବେଶକୁ ଯେତିକି ପରିଷ୍କାର କରି ରୋଗ ଜୀବାଣୁଠୁ ଦୂରେଇ ରଖିବା ପାଇଁ ପ୍ରୟାଶ କରିଆସୁଛି , ତାହା ମୋଠୁ ଅଧିକା ଆଉ କେହି ଜାଣିପାରିବେ ନାହିଁ । କେତେ ଟି ଭି, ମୋବାଇଲ୍ ମେସେଜ ଦେଖିଲେ କଣ ହେବ ? ପ୍ରକୃତି ତ ବଦଳୁନି । ଖାଲି ଅନ୍ୟକୁ ଉପଦେଶ ଦେବାର ଜଣା, ବାହାରେ ଭାଷିବାର ଜଣା । ଲାଜ ଲାଗୁନି ? ଲକ ଡାଉନ ,ସଟ ଡାଉନ ବେଳରେ ପଦାକୁ ନ ବାହାରିଲେ ମନ ବୁଝୁନି ” । ଏମିତି ଅନେକ ରୋଷେଇ ଘରୁ ପାଟି ଆସୁଥିବାର ବାବୁ ସ୍ଵଷ୍ଟଭାବେ ଜାଣିପାରିଲେ । ହେଲେ ବାବୁ ସୁଗନ୍ଧର ରହସ୍ୟ ପାଲାରେ, ସେ ନାଚାର ।


ସେ ବାହାରକୁ ଯାଇ କାହା କାହା ସହିତ କେଉଁ କେଉଁ ବ୍ୟକ୍ତିଙ୍କ ସହ ମିଶିଛନ୍ତି ସେ ସବୁକୁ ମନେ ପକାଉ ପକାଉ ପୁଣି ଘରମଣୀ ଝପଟି ଆସି ତାଗିଦ କରାଇଦେଲେ, “ ଆଜିଠୁ ତୁମେ ଏକଲା ରହିବା ବନ୍ଦୋବସ୍ତ କର । ଉପର ଘରେ ରୁହ । ସେଇଠି ତୁମ କଥା ତୁମେ ବୁଝିବ । ଏଇଠି ଗେଲ ଲାଗିଛି” । ଶ୍ରାବଣର ବର୍ଷାର ଝରଝରକରି ମାଟି ଉପରେ ଝରିଗଲେ ମାଟିକୁ ବି କଷ୍ଟ ହୁଏ ଏ ଛାର ମଣିଷ କେତେକେ ସହିବ ? ଶ୍ରୀଧରବାବୁ ଅସହ୍ୟ । ତଳକୁ କରି ରଖିଥିବା ହାତ ଦୁଇଟିରେ ମୁହଁ ପୋଛିବାକୁ ଲାଗିଲେ । ଠିକ ଏତିକିବେଳେ ନାକ ପାଖରୁ ହାତ ଦୁଇଟି ବାସୁଥିବା ଜାଣିପାରିଲେ । ସେତିକିବେଳେ ତାଙ୍କର ସବୁକଥା ଠିକ ଠିକ ମନପଡିଗଲା । ସେ ଯେଉଁ ସୋରୁମଟିକୁ ନିଜ ଗାଡି ନେଇ ଯାଇଥିଲେ । ସେଇଠି ସେ ଦୁଇହାତରେ ସାନିଟାଇଜର ବ୍ୟବହାର କରିଥିଲେ । ସେହି ହାତ ସବୁଠି ଗୋଳାଇ ହୋଇ ବାସୁଛି । ଘରକୁ ଆସି ଗୋଡ ହାତ ନ ଧୋଇ ବସିପଡିଛନ୍ତି । ଆଜିର ଏହି ମହାମାରୀ ସଙ୍କଟ ବେଳରେ ଏପରି ଢିଲା ହେବା ଆଦୌ ଉଚିତ ନୁହଁ । ଘର ଲୋକଙ୍କୁ ସହାୟ ହେବା ସଙ୍ଗେ ସଙ୍ଗେ ତାଙ୍କର ମାନସିକତାକୁ ବି ବୁଝିବା ଆବଶ୍ୟକ । ପାରୁପର୍ଯ୍ୟନ୍ତ ନିଜକୁ ନିଜେ ତତ ସଙ୍ଗେସଙ୍ଗେ ଅନ୍ୟଙ୍କୁ ସହାୟ ହୋଇପାରିଲେ ଉଚିତ ଦେଶସେବା ହେବ । ସେ ନିଜକୁ ଅପରାଧୀ ମନେକଲେ । ଘରମଣୀ ତାଙ୍କୁ ବୁଝାଇବାରେ ସହାୟ ହୋଇଛନ୍ତି, ସେ ଠିକ ବୁଝିପାରିଲେ । ନିଜ ହାତଟିକୁ ଭଲଭାବେ ଧୋଇନେବା ପୂର୍ବରୁ ଝିଅକୁ ଏବଂ ମୁହଁ ଟିକୁ ବୁଲାଇ ରଖିଥିବା ଘରମଣୀଙ୍କ ନାକରେ ବଜାଇ ସମସ୍ତ ବୃତ୍ତାନ୍ତ କହିଗଲେ । ହେଲେ, ପୁରୁଷ ଲୋକଙ୍କର କାର୍ଯକଳାପରେ ଘର ଲୋକଙ୍କ ମନ ବୁଝୁଛି କେତକେ ? 


         


Rate this content
Log in

More oriya story from Ranjan Kumar Brahma

Similar oriya story from Inspirational