ହୀରା ବାଇ
ହୀରା ବାଇ
-ଏ ...ଚି କ୍ ଣା....କୁଆଡେ ଆଇଛୁ?
-କାଇଁ ଆସିବାକୁ ମନା କି?
-ନା,ନା....ତଥାପି?
-ପ୍ରେମ କରିବାକୁ...
-ହି..ହି...ହୀରାବାଇକୁ ପ୍ରେମ?
-କଣ କରିପାରିବିନି?
-ସାମ୍ନାରେ ଅଇନା ଅଛି ଦେଖ ମୁହଁକୁ ଥରେ ।
-ଜାଣେ ମୁଁ ଘୋଡା ମୁହାଁ ନୁହେଁ କି ମାଙ୍କଡ ମୁହାଁ ନୁହେଁ ।
-ଉଁଉଁଉଁ....ନା ...ଦେଖ୍ ତୋ ବୟସ ।
-ତୁମେ ମୋ ଠୁ ବଡ ଜାଣେ ।କଣ ହେଲା ସେଇଠୁ ।ପକେଟ୍ ବି ଗରମ ଅଛି ।
-ହୀରାବାଇକୁ ପଇସା ଦେଖଉଛୁ? ଜାଣିଛୁ ମୁଁ କିଏ?
-ଶୁଦ୍ଧରେ କହିବାକୁ ଗଲେ ତୁମେ ଗୋଟେ ବାଇ ଅଶୁଦ୍ଧରେ ଦା...
-ତେବେ ପଇସା ଲୋଭ କାହାକୁ ଦେଖଉଛୁ?
-ପଇସା ଦେଖିଲେ ବାଇ ମାନଙ୍କର ଲାଳ ବୋହେ ଶୁଣିଛି ।
-ବାଇର ଲାଳ ବୋହିଲେ ସେ ସାରା ଦୁନିଆକୁ ଚାଟି ହଜମ କରିଦେବ ।ତୁ ତ ଛାର ...
-ତା ହେଲେ କଣ କହୁଛ?
-କହିବି କଣ?ଏଠି ହୀରାବାଇ ର ମନମାନୀ ଚାଲେ ଗରାଖର ନୁହେଁ ।
-କିନ୍ତୁ ମୁଁ ତୁମ ପ୍ରେମରେ ।
-ପ୍ରେମ?ହି..ହି...ବାଇର ପ୍ରେମରେ ଘର ଉଜୁଡେ...ଆଉ ଘୃଣାରେ ଘର ବସେ।ବୁଝିଲେ ବୁଝ୍ , ନ ହେଲେ ନାହିଁ ।
-ସେମିତି କୁହନି...ତୁମ ଦୁଆରକୁ ଆସି ନିତି ଫେରୁଛି ।ପ୍ରେମରେ ପଡିଛି ।
-ପ୍ରେମ କରୁଛୁ??କି ପ୍ରେମ? କେବେ ଭୟଙ୍କର ପ୍ରେମ କରିଛୁ?
-ସେ ପୁଣି କେମିତିକା ପ୍ରେମ?
-ଏବେ ଶୁଣ୍ ଭୟଙ୍କର ପ୍ରେମ କଣ ?ଏଇ ଆଗରେ ଯେଉଁ ଚାରି ଛଅଟା ଷଣ୍ଢ ପୋଷିଛି ଦେଖୁଛୁ ତ??ଯଦି ଆଜିଠୁ ଆଉ କେବେ ଏ ଗଳିରେ କି ସହରର ଆଉ କେଉଁ ବଦନାମ ଗଳିରେ ଦେଖିବି ତୋତେ ସିଧା ଉଠାଇ ଆଣି ରେଳ ଲାଇନ୍ ରେ ଫୋଫାଡି ଦେବି । ବୁଝିଲୁ?ମନେ ରଖ ହୀରାବାଇ ଯାହା କୁହେ ତାହା କରେ ।ଭାବିବୁନି ହୀରାବାଇ କୁ କିଛି ଖବର ଅଜଣା ରହିବ । ଚାଲ୍ ,ଭାଗ୍ ଏଠୁ ।ତୋ ମୁହଁ ଦେଖିବାକୁ ଇଛା ନାହିଁ ମୋର ।ହୀରା ବାଇର ଆଖିରେ ଅଗ୍ନିର ଲେଲିହାନ ଶିଖା ।
....................************...........
ପିଲାଟି ପାଖରେ ସେତିକି ସତ୍ ସାହାସ ନ ଥିଲା ହୀରାବାଇକୁ ସାମ୍ନାକରି କିଛି ପଚାରି ପାରିବ । ସେ ଏକମୁହାଁ ହୋଇ ଫେରିଗଲା ।ହୀରା ବାଇର ଆଖିରୁ ନିଆଁ ଖସି ଲୁହ ବି ଖସିଲା ।ସେ ଠିକ୍ ଜାଣିଥିଲା ପିଲାଟି ତା ପୂର୍ବତନ ପ୍ରେମିକର ଏକ ମାତ୍ର ପୁଅ ଥିଲା ।
......Lucy........