ଭିନ୍ନ ଏକ ପ୍ରେମ ପତ୍ର

ମେଘ ଓଢ଼ଣାରେ ଆସିଥିଲା ବର୍ଷା ,

    ଟିକିଏ ତିନ୍ତାଇ ଦେବାକୁ ତୋତେ ।

ହୁଙ୍କା ଭିତରେ ଚେଇଁ ଶୋଇଥିବା ଉଇ ,

    ଚାହିଁଥିଲା ନଷ୍ଟ କରି ଦେବାକୁ ତୋତେ ।

ହୁତୁ ହୁତୁ ହୋଇ ଜଳୁଥିବା ନିଆଁ ,

  ଜାଳି ପୋଡ଼ି ପାଉଁଶ କରିଦେବ ତୋତେ ।

ଫଣା ଟେକି ବିଷଧର ସର୍ପ ଆସିବେ ,

      ନିକଟେ ଦଂଶନ କରିବାକୁ ତୋତେ ।

ଶ୍ବାନ ସବୁ ପାଗଳ ପରାୟେ ଆସିଵେ ,

   ଲହ ଲହ ଜିହ୍ୱାରେ ଚାଟିବାକୁ ତୋତେ ।

ଜୁଆଡି ଆସିଵେ ନିଶାସକ୍ତ ହୋଇ ,

     ଜୁଆରେ ବାଜି ଲଗେଇଵେ ତୋତେ ।

ମହର୍ଷି ଆସିବେ ଛଦ୍ମବେଶୀ ହୋଇ ,

         ଦାନ ରେ ମାରିବେ ତୋତେ।

ପ୍ରଳୟ ଆସନ୍ନ ଧରା ସପ୍ତର୍ଷି ,ମନୁ,ମୀନ

ସମସ୍ତେ ରକ୍ଷା କରିବେ ବେଦ ଉପନିଷଦ ।

କିନ୍ତୁ ;ଆଶଙ୍କିତ ମୁଁ  କିଏ ବଞ୍ଚେଇବ ସ୍ଥିତି

             ମୋ ପ୍ରେମପତ୍ରର ।

କିଏ ବଞ୍ଚେଇବ ଦେଶ

କିଏ ବଞ୍ଚେଇବ ବିଦେଶ

କିଏ ବଞ୍ଚେଇବ ସୁନା ରୂପା ରତ୍ନ

ମୁଁ ନିସ୍ବ 

  କେମିତି ବଞ୍ଚେଇ ବି କୁହ

   ତୁମର ସେଇ ଅଲିଭା ଅକ୍ଷରର ପ୍ରେମ ପତ୍ର ।