Participate in 31 Days : 31 Writing Prompts Season 3 contest and win a chance to get your ebook published
Participate in 31 Days : 31 Writing Prompts Season 3 contest and win a chance to get your ebook published

suchitra pradhan

Tragedy Others


3  

suchitra pradhan

Tragedy Others


ଅପେକ୍ଷାର ଅନ୍ତ

ଅପେକ୍ଷାର ଅନ୍ତ

3 mins 6 3 mins 6


ପଡ଼ିଶା ଘର ରୁବି ବୋଉ ଆଜି କାଲି ଭାରି ଖୁସି ଜଣା ପଡୁଚି । ମାସେ ହେଲା ଘର କୋଣରେ ପଡି ରହିଥିବା ରୁବି ବୋଉକୁ ଖୁସିରେ ଦେଖି ମନଟା ସତରେ ବହୁତ ଭଲ ଲାଗିଲା । ହେଲେ ମନ କଣ ସମ୍ଭାଳେ କି???ଯେ ପର୍ଯ୍ୟନ୍ତ ରୁବି ବୋଉକୁ ଖୁସିର କାରଣଟା ନ ପଚାରିଛି । 


___କଥା କଣ ଲୋ ରୁବି ବୋଉ??ଆଜି କାଲି କଣ ବେଶ୍ ଖୁସି ଜଣା ପଡୁଛୁ???

___ନାଇଁ ଲୋ ରୁପା । ସେମିତି କିଛି କଥା ନାଇଁ ଲୋ । ତୁ ତ ଜାଣିଛୁ ରୁବି ବାପା ସୁରାଟରେ ଖଟନ୍ତି । ଆଉ ଯେବେ ଠୁ ଏ କି ରୋଗ କରୋନା ଆସିଲା ସବୁ ବନ୍ଦ । ମନଟା ଭାରି କେମିତି କେମିତି ଲାଗୁଥିଲା ଲୋ । 

____ହଁ, ଯେ ଏତେ ବୁଲେଇ ବଙ୍କେଇ କଣ କହୁଚୁ ଯେ ରୁବି ବୋଉ??ସିଧା ସିଧା କହୁନୁ??

____କାହିଁକି ଏମିତି ଉଛନ ହଉ ଯେ ତୁ ରୁପା??କହୁଛି ଶୁଣ । ରୁବି ବାପାଙ୍କ ଆଜି ଫୋନ ଆସିଥିଲା ଲୋ । ସେ କୁଆଡେ ଗାଁ କୁ ଆସିବେ ହେରି । 

__ଓଃ କଥା ଯାଇକି ତାହାଲେ ଏଠି???କିଲୋ ରୁବି ବୋଉ ବୁଢ଼ୀ ହେଲୁଣୁ ହେଲେ କେତେ ପ୍ରେମ କରୁଚୁ ରୁବି ବାପାକୁ???


___ଆଲୋ ନାଇଁ ଲୋ ରୁପା । 

___ନାଇଁ କଣ ବା??ସତ ତ କହୁଛି । ତୁ ତ ବଡ ଭାଗ୍ୟବତୀ ଲୋ । ତୁମ ସ୍ୱାମୀ, ସ୍ତ୍ରୀଙ୍କର ପାଟି,ଝଗଡା କେବେ ଶୁଣିନି ଲୋ । 

____ହଁ, ଲୋ ରୁପା ଝଗଡା କଣ କରିବି ଲୋ ଆଉ ରୁବି ବାପା ତ ଏତେ କଷ୍ଟ ସହୁଛି ସବୁ ଆମରି ପାଇଁ । 

___ହେଲେ ଆଜି କଣ ଏତେ ସଜେଇ ହୋଇଛୁ ??ପାଦରେ ପଟା ପଟା ନାଲି ଅଳତା, ମଥାରେ ଏତେ ବଡ ନାଲି ଟୋପା, ଆଉ ତୋ ମଲ୍ଲୀ ଫୁଲ ମାଳ । ଆଉ ଥରେ ବାହା ହେବୁ ନା କଣ ଲୋ?ପୁରା ବୋହୁ ପରି ସଜେଇ ହୋଇଛୁ???

____ନା ,ବାଡିରେ ମଲ୍ଲୀ ଫୁଲ ଫୁଟି ଫୁଟି ସବୁ ଝଡି ଯାଉଛି । ଆଉ ରୁବି ବାପାଙ୍କ ବି ଭାରି ପସନ୍ଦ । ସେ ଆଜି ଆସିବେ ତ ସେଥିପାଇଁ ଟିକେ ସଜେଇ ହେଇ ଯାଇଛି ଲୋ । 

____ରୁବି ବାପା ତ ଘରକୁ ଆସିବେନି । ସେ ତ ଯାଇ କୋ ସ୍କୁଲରେ ରହିବେ ୨୧ ଦିନ । ତୁ କେମିତି ଦେଖା କରିବୁ ତାଙ୍କୁ??

____ରୁବି ବାପା ଫୋନରେ କହି ଥିଲେ ସେ ଯୋଉ କଲେଜ ଛକ ଅଛି ସେଠି ବସରେ ବସିବେ । ତ ସୁବିଧା ହେଲେ ତାଙ୍କୁ ଟିକେ ଯାଇ ଦେଖି ଆସିବି । 

____ହେଉ ଠିକ ଅଛି । ମୁଁ ଯାଉଛି ଏତିକି କହି ଚାଲି ଆସିଲି ଘରକୁ । ରୋଷେଇ ସାରି ଖାଇବା ପାଇଁ ବସିଛି ରୁବି ବୋଉର ବୁକ ଫଟା କାନ୍ଦ ଶୁଣି ଦୌଡ଼ି ଗଲି ତା ଘରକୁ । ମତେ ଦେଖି ରୁବି ବୋଉ ଆହୁରି କାନ୍ଦିବାରେ ଲାଗିଲା । 

_____ମୋର ସବୁ ସରିଗଲା ଲୋ ରୁପା । ରୁବି ବାପା ଆସୁଥିବା ଗାଡି କୁଆଡେ ଘାଟିରେ ଆକ୍ସିଡେଣ୍ଟ ହେଇ ଯାଇଛି ଲୋ । 

,_____ତୁ କାନ୍ଦେନା ,ରୁବି ବାପାଙ୍କ କିଛି ହେଇନଥିବ । ସବୁ ଠିକ ହବ । ବହୁତ ବୁଝେଇଲି । ହେଲେ ରୁବି ବୋଉର କାନ୍ଦ ଆଉ ସେ ଛୋଟ ଝିଅ ରୁବି ଦିଜଣକୁ ଦେଖି ମତେ ବି କାନ୍ଦ ଆସିଗଲା । କିଛି ସମୟ ପରେ ରୁବି ବୋଉର ଫୋନ ବାଜି ଉଠିଲା । ଆଉ ମୁଁ ଫୋନ ଉଠେଇଲି । ସେପଟୁ ଜଣେ କହିଲା ଏ ଫୋନ ଯାହାର ସେ ଆକ୍ସିଡେଣ୍ଟରେ ମରିଯାଇଛନ୍ତି । ତାଙ୍କର ପୋଷ୍ଟମଟମ ପାଇଁ ଜଣେ ଏଠିକି ଆସିବା ନିହାତି ଦରକାର । 

_____କଣ ହେଲା ରୁପା କିଏ ଫୋନ କରିଥିଲା??ରୁବି ବାପା ଭଲ ଅଛନ୍ତି ନା??

____ହଁ, ସେ ଠିକ ଅଛନ୍ତି । ବଳିଆ(ରୁବିର ଦାଦା) କୁଆଡେ ଗଲା ତାକୁ ଟିକେ ରୁବିବାପା ପାଖକୁ ଯିବାକୁ ପଡିବ । ତାଙ୍କୁ ଆଣିବାକୁ । 

କିଛି ସମୟ ପରେ ଆମ୍ବୁଲାନସ ଗାଡି ଲାଗିଲା । ଆଉ ରୁବି ବାପାଙ୍କ ଦେହ ଉପରେ ଧଳା ଲୁଗା ଦେଖି ରୁବି ବୋଉର ସେନ୍ସ ହିଁ ପଳେଇଲା । 

ମନେ ମନେ ଭାବୁଥିଲି କେତେ ଖୁସୀ ଥିଲା??ହସି ହସି ଲାଜେଇ ଯାଉଥିଲା... ଆଉ ଏବେ ଏ ବୁକୁ ଫଟା କାନ୍ଦ । 

 ଯାହାକୁ ଏତେ ସରଗରେ ଜଗି ବସିଥିଲା,ଯାହା ପାଇଁ ସଜେଇ ହୋଇ ନୂଆବୋହୁ ପରି ଦେଖା ଯାଉଥିଲା । କଣ ହେଲା???କେତେ ହୃଦୟ ବିଦାରକ ଥିଲା ସେ ଘଟଣା । ବିଚାରି ରୁବି ତାକୁ ବା କଣ ଜଣା ଅଛି??ତା ବାପା ଆଉ ଏ ଦୁନିଆରେ ନାହାନ୍ତି । 


ସବୁ ଅପେକ୍ଷାର ଅନ୍ତ ସରିଯାଇଛି । ଆଉ ଏତେ କଷ୍ଟ ଥିଲା ଏହି ଅପେକ୍ଷାରେ କିଏ ତିଳେ ସୁଧା ଭାବି ନଥିଲେ । 



Rate this content
Log in

More oriya story from suchitra pradhan

Similar oriya story from Tragedy