ଆଇ ଲଭ ୟୁ

ଅବନୀ ଭୂବନେଶ୍ଵର ଯାଉଥାଏ ବୋଲି ସ୍ନିଗ୍ଧାକୁ ଦେଖା କରିବା ପାଇଁ ଆସିଥାଏ ହନୁମାନ ବାଟିକାକୁ । ପ୍ରାୟ ଘଣ୍ଟାଟେ କଥାବାର୍ତ୍ତା ହେଲା ପରେ ଅବନୀ ଜଗନ୍ନାଥଙ୍କୁ ଦର୍ଶନ କରି ଭୂବନେଶ୍ଵର ଅଭିମୁଖେ ବାହାରିଯାଏ । ହେଲେ ତା' ମୁଖ ମଣ୍ଡଳରୁ ଜଣା ପଡ଼ୁଥାଏ ତା' ମନ ଟା ଦୁଃଖ ଥାଏ ।

ସ୍ନିଗ୍ଧା ସାଙ୍ଗ ସୋନିଆ ପଚାରେ ତାକୁ, ଅବନୀ ମନକୁ ସୁଖେଇକି ଗଲା ଯେ ଭୂବନେଶ୍ଵର ? ତୁ ତା'କୁ କିଛି କହିଲୁ କି ? ସୋନିଆର କଥାଟାକୁ ହସରେ ଉଡ଼େଇଦିଏ ସ୍ନିଗ୍ଧା । ଆଉ କହେ ଡେରି ହେଲାଣି ଚାଲେ ଘରକୁ ଯିବା ।

ଦଶ ବର୍ଷ ହେଲାଣି ସ୍ନିଗ୍ଧା କଥା କହି ପାରୁନି । ଆଉ ସେପଟେ ଅବନୀ କୋମାକୁ ପଳେଇଛି । ନା କିଛି ଶୁଣି ପାରୁଛି ନା କିଛି କହି ପାରୁଛି । ଆଉ ସେପଟେ ସ୍ନିଗ୍ଧା ସବୁ ଶୁଣୁଛି ଦେଖୁଛି ହେଲେ କିଛି କହି ପାରୁନି ।

ଦଶ ବର୍ଷ ପୂର୍ବେ ଭୂବନେଶ୍ଵର ଯିବା ପୂର୍ବରୁ ଅବନୀ ସ୍ନିଗ୍ଧାକୁ ଆଇ ଲଭ ୟୁ କହିଥିଲା ଆଉ ପ୍ରତି ଉତ୍ତରରେ ସେ ମଧ୍ୟ ତା' ମୁହଁରୁ ଶୁଣିବାକୁ ଚାହୁଁ ଥିଲା ଆଇ ଲଭ ୟୁ । ହେଲେ ସ୍ନିଗ୍ଧା ମଜାରେ ମଜାରେ କହିଥିଲା କହିବିନି ତମକୁ ।

କିଏ ଜାଣି ଥିଲା ଭୂବନେଶ୍ଵର ଯାଇଥିବା ଅବନୀ କୋମାରେ ଫେରିବ ରାଉରକେଲାକୁ ଆଉ ସ୍ନିଗ୍ଧା ଅବନୀର ଏ ଅବସ୍ଥାକୁ ଦେଖି ଆଜୀବନ ମୂକ ପାଲଟିଯିବ ।

ସତରେ କ'ଣ ଆଉ କେବେବି ଦୁହେଁ ଦୁହିଁଙ୍କୁ ଆଇ ଲଭ ୟୁ କହି ପାରିବେନି ?