ଲାଇବ୍ରେରୀ
ପ୍ରୋଫାଇଲ୍
ଉତ୍କଳ ଗୌରବ ମଧୂସୁଦନ
ଉତ୍କଳ ଗୌରବ ମଧୂସୁଦନ
କଟକ ଜିଲ୍ଲାର ସତ୍ୟଭାମାପୁର
ଧରିଥିଲା କୋଳେ ମଧୁବାରିଷ୍ଟର
କଟକରେ ଜନ୍ମି ଗଲେ କଲିକତା
ଓକିଲାତି ପାଠେ ଅର୍ଜିଲେ ଦଖ୍ୟତା
ସାତ ସମୁଦ୍ର ଓ ତେର ନଈ ପାର
ହୋଇ ବିଲାତରୁ ହେଲେ ବାରିଷ୍ଟର
ଅଧିକାଂଶ ବେଳେ ମୁଖେତାଙ୍କଭାଷା
ହୃଦୟରେ ଚିନ୍ତା ଉତ୍କଳ ସମସ୍ୟା
ପୋତିଲେ ଉତ୍କଳ ସମ୍ମିଳନୀ ଗଛ
କହିଲେ ସ୍ୱାର୍ଥକୁ କର ଭାଇ ତୁଛ
ଏକ ପ୍ରାଣ ହୋଇ ସବୁ ଭାଇଭାଇ
ପୂରୁବ ଗୌରବ ଆଣିବା ଫେରାଇ
ଉତ୍କଳୀୟ କେବେ ନୁହେଁ ହୀନବଳ
ଏକତା,ଅହିଂସା ଆମର ସବଳ
କୁଟୀର ଶିଳ୍ପର ପ୍ରସାରଣ ପାଇଁ
ନିଜ ରୋଜଗାର ଦେଲେ ଉଜୁଡାଇ
କଟକରେ କଲେ ଜୋତା କାରଖାନା
ତାରକସି କାମ ରୂପାର ଗହଣା
ଅରଜିତ ଥିଲେ ପ୍ରଚୁର ସଂପଦ
ଶେଷ ସମୟକୁ ହୋଇଲେ ଫକଡ
କଟକରେ ଥିଲା ତାଙ୍କରି ଆଳୟ
ଏବେ ଶୈଳବାଳା ମହାବିଦ୍ୟାଳୟ
ଉତ୍କଳ ଗୌରବ ହେ ମଧୁସୂଦନ
ଉତ୍କଳ ଭୂମିର ତୁମେ ସ୍ୱାଭିମାନ
ମୃତ୍ୟୁଞୟ ତୁମେ ଉତ୍କଳ ଭୁବନେ
ସବୁ ଓଡିଆଙ୍କ ପ୍ରାଣେ ଆଉ ମନେ
