ତୁମ ପାଇଁ
ତୁମ ପାଇଁ
ତୁମ ପାଇଁ ସାଥି କବିତା ଲେଖିଲି
ହୋଇଗଲି ଗୋଟେ କବି
ତୁମରି ସପନ ନିତି ମୁଁ ଦେଖୁଛି
ତୁମ କଥା ଭାବି ଭାବି ।
ତୁମେ ହଜାଇଲ ମୋ ରାତିର ନିଦ
ଦିନର ବି ଚଞ୍ଚଳତା
ଆଖିରେ ନାଚୁଛି ତୁମରି ଛବି
ହୃଦୟରେ ବ୍ୟାକୁଳତା ।
ଭାବୁଛି ବସି ମୁଁ ତୁମ ପାଖେ ବସି
ତୁମ ହାତେ ହାତ ରଖି
ମନ ଭରି ଟିକେ ଦେଖନ୍ତି ତୁମକୁ
ମନ ମୋ ହୁଅନ୍ତା ସୁଖୀ ।
ତୁମେ ଚାନ୍ଦ ପରି ରହିଛ ଯେ ଦୂରେ
ମୁଁ ଜଳର ନୀଳ କଇଁ
ତୁମର ମୋହର ମିଳନ ତ ବୋଧେ
ଏ ଜନମେ ଲେଖା ନାହିଁ ।
ଭୁଲିବାକୁ ଯେତେ ଚାହୁଁଛି ତୁମକୁ
ଭୁଲି ମୁଁ ତ ପାରୁ ନାହିଁ
ମରି ମରି ନିତି ଜୀଇଁବାକୁ ହେବ
ଯାହା ଲେଖି ଅଛି ବିହି ।