ସ୍ମୃତି ପଟଳରେ ଶୀତ

ଆସିଲାଣି ଶୀତ ହୋଇ ହସ ହସ

ଦେହକୁ ଥରାଇ ଦେଉଛି

ଗାଁ ପାଳ ନିଆଁ ମେଳ ହୋଇ ପିଆ

ସମୟ ହଜାଇ ଦେଇଛି

ବଳଦ ମେଳରେ ଧନର ଅମଳ

ଯନ୍ତର ଛଡାଇ ନେଇଛି

ଧନ ସରୁନାହିଁ ମଣ୍ଡିଖୋଲା ପାଇଁ

ଚାଷିପୁଅ ଚାହିଁ ରହିଛି

ଧନୁ ସଙ୍କରାନ୍ତି ଗ୍ରାମ ମୁଆ ମୁଡ଼ି

ଫାଆଷ୍ଟ ଫୁଉଡୁ ଲୁଟିଛି

ବାଡ଼ି ପିଲା ଭୋଜି ଚାଉଳର କ୍ଷୀରି

ପିକ ନିକ ଟେକି ନେଇଛି

ଗ୍ରାମ ସଂକୀର୍ତ୍ତନ ପୁରାଣ ପଠନ

ଦୂର ଦରଶନ ଠକିଛି

ଏକ ପରିବାର ପଲ୍ଲୀ ସଂପର୍କର

ରାଜନୀତି ଦଳ ଭାଙ୍ଗିଛି

ଆଧୁନିକ ଯୁଗ ଶ୍ରେଷ୍ଟ ଏ ମଣିଷ

ସ୍ୱାର୍ଥରେ ମାତି ଧାଇଁଛି

ନିଜ ସହାୟକ ଚର୍ତୁପାଶ୍ୱ ପଶୁ

ପକ୍ଷୀ ଉଦ୍ଭିଦକୁ ନାସୁଛି

ପ୍ରଧାନ ମନ୍ତିରି ଆବାସ ଯୋଜନା

ବିଜୁପକାଘର ମିଳୁଛି

ଗ୍ରାମ ଚାଳ ପକା ଘର ଚାଟିଆର

ବଂଶକୁ ନିପାତ କରିଛି