ଶ୍ରାବଣର ଧାରା

ଅଶାନ୍ତ ସହରେ ସାନ୍ତର ପ୍ରତୀକ

ଶାନ୍ତିରେ ଯାଉଛ ରହି

ଶ୍ରାବଣର ଧାରା ବରଷି ପାରୁନ

କେତେ ଦୂରେ ଅଛ ରହି

କେତେ ଜୀବ ଜନ୍ତୁ କେତେ ତରୁ ମାଳ

ଅଛନ୍ତି ତୁମରି ବାଟକୁ ଚାହିଁ

ଚାଷୀ ଭାଇଟିର ଅନ୍ତରର ବ୍ୟଥା

ବୁଝିବାକୁ କେହି ନାହିଁ

ଫୁଲଟି ଦେହରେ ଶିରେ ଶିରେ ମହୁ

ଦେହରେ ଯାଉଛି ରହି

ପାଗଳ ଭ୍ରମର ଦଂଶନକୁ ଡର

ପାରେନା କାହାକୁ କହି

ପ୍ରଜାପତିଟିର ଅସରନ୍ତି ଇଚ୍ଛା

ଫୁଲରେ ବସିବା ପାଇଁ

ଫୁଲ ପ୍ରଜାପତି ସର୍ବେ ଅସ୍ତ ବ୍ୟସ୍ତ

ତୁମର ଦର୍ଶନ ନାହିଁ

ତୁମ ଆଗମନ ଚକ୍ଷୁର ସପନ

ସପନରେ ଯାଏ ରହି

ଅଶାନ୍ତ ସାହରେ ଶାନ୍ତିର ପ୍ରତୀକ

ଶାନ୍ତିରେ ଯାଉଛ ରହି