🌹🌹🌹ଗୋଲାପ ଦିବସର ଅଭିନନ୍ଦନ🌹🌹

ସୁନ୍ଦର ଠୁ ବେସି ସୁନ୍ଦର ଦିଶେ ଲୋ

ନାଲି ଚେହେରାଟି ତୋର

ସେଥି ଲାଗି ବୋଧେ ପ୍ରିୟ ପାତ୍ର ଅଟୁ

ପ୍ରେମିକ ପ୍ରେମିକା ଙ୍କର

ଗୋଲାପ ଫୁଲର ବାସ୍ନା ନାହିଁ ହେଲେ

ଦେଖିବାକୁ କେଡେ ସୁନ୍ଦର

ମନ୍ଦିର ରେ ସିଏ ପୂଜା ପାଏ ନାହିଁ

ପୂଜା ପୂଜ୍ୟ ହୃଦୟର

ହୃଦୟ ଗର୍ଭରେ ଆଙ୍କି ଦିଏ ସିଏ

ପ୍ରତି ଛବି କେତେ କାହାର

ଅଙ୍କା ଛବି ଯେତେ ନିଜର ହେଲେବି

କିଛି ହୁଏ ସାତ ପର

ଆଖିର ଇସାରା ଆଖିକୁ ହିଁ ଜଣା

ମନର ଇସାରା ମନ

ପ୍ରେମର ଇସାରା ଗୋଲାପ ଫୁଲ ଯେ

ଚିରକାଳ ଚିର ଦିନ

କେବେ ଦିଏ ସିଏ ଅସୀମ ଆନନ୍ଦ

ଆଉ କେବେ ଦିଏ କଷ୍ଟ

କେବେ କରେ ପ୍ରେମ ସାଫଲ୍ୟ ମଣ୍ଡିତ

କେବେ କରେ ପୁଣି ନଷ୍ଟ