ଶିଶିର

ଟପ୍ ଟପ୍ ଶିଶିର ର ଧାରା ଝରି ଆସେ

ଦେଖି ମନମୁଗ୍ଧକରି ଧରଣୀ ହସେ 

ଚଷା ଭାଇ ମନ ହୁଅଇ ବିଭୋର

ଚାହିଁ ଥାଏ ରହି ସେ ତା ଶସ୍ୟ କ୍ଷେତର  ।

ଶୋରିଷ ଫୁଲରେ ଶିଶିର ର ବୁନ୍ଦା

ଲାଗଇ ଯେସନେ ସେ ହୀରା ମୋତି ଗଦା

ସୁନାର ହାଟ ପରି ଲାଗଇ ସେ ତ

କବିର କବିତାରେ ହୁଏ ଅଳଙ୍କୃତ     ।

କବିର କଲମ ଚଞ୍ଚଳ ହୁଅଇ

କବିତା ର ଧାରାଟି ଝରି ତ ଆସଇ

ପ୍ରତିଟି ପଦରେ ସୁଶୋଭିତ କରି

କବିତାଟି କୁ ସିଏ ଦିଏ ମୁଗ୍ଧକରି     ।

ଜହ୍ନ ଜୋଛନା ରେ ଶିଶିର ର ବାଆ

ଲାଗଇ ସତେକି ସେ କେଡେ ମୋହନିଆ

ଶିତୁଆ ପାଗକୁ ନିର୍ମଳ ଆକାଶ

ଜହ୍ନ ଜୋଛନା ଟି ଲାଗଇ ଯେ ସରସ  ।

ଶୀତ ସକାଳ ସୁଲୁସୁଲିଆ ବାଆ

ଗୋଧୂଳି ସମୟ ଆଇ କାହାଣୀ କୁହା

ଲାଗଇ ସତେକି କେଡେ ସେ ସୁନ୍ଦର

ମୋତି ସମ ପରି ଯେ ଲାଗଇ ଶିଶିର   ।