"ଶୀତଋତୁ"

ଋତୁଚକ୍ର ଦ୍ବାରେ ବସି ଭାବୁଅଛି

ଶୀତରାଣୀ ସୁକୁମାରୀ

ଧରାପ୍ରୁଷ୍ଠେ ଲୀଳାଖେଳା କରିଯିବି

ମଜାତ ହୋଇବ ଭାରି

ମୋର ଆଗମନେ ଚାଷୀଭାଈ ମୁହେଁ

ଉକୁଟି ଉଠିବ ହସ

ସୁନାର ଫସଲ ଅମଳ କରିଣ

ସାଇତି ରଖିବ ବାସେ

ବ୍ରୁକ୍ଷରାଜିସବୁ ପତ୍ରଝଡାଦେଇ

ନବ କଳେବର ହେବେ

ନବ ପଲ୍ଲବରେ ଶୋଭା ସେ ପାଇବ

ବସନ୍ତ ଆସିବ ଯେବେ

ଗେଣ୍ଡୁ,କେତକୀ ଯେ ଅପରାଜିତାରେ

ଶିବଙ୍କ ମସ୍ତକ ଶୋଭା

ଲକ୍ଷ୍ମୀ ଠାକୁରାଣୀ ପୂଜା ପାଉଥିବେ

ଆହା କେଡେ ମନଲୋଭା

ଉତ୍ତରା ପବନେ ଦେହ ଥରିଯିବ

ଶୀତବସ୍ତ୍ର ପରିଧାନ

ନିଆଁ ଚାରିପଟେ ଏକତ୍ରିତ ହୋଇ

ଭାବ ଆଦାନପ୍ରଦାନ

ଦିନ ଶୀଘ୍ରଯିବ ରଜନୀ ଆସିବ

କୋଳେନେବ ନିଦ୍ରାବତୀ

ଉଷୁମ ଶେଜରେ ମନ ଛଟପଟ

ପାହୁ ନଥିବତ ରାତି

ଦିନ,ମାସ.ବର୍ଷ ଚାଲିଛି ଏମିତି

ଋତୁ ଆସେ ଋତୁଯାଏ

ହସ,କାନ୍ଦ,ସୁଖ,ଦୁଃଖଯେ ସଭିଙ୍କୁ

ଦେଇଣ ବାହୁଡିଥାଏ