ଅବାଞ୍ଛିତ

ପାଇନାହିଁ କେବେ ମାଆର ଆଦର

ଦେଖିନାହିଁ ମୁହଁ ତା'ର

ଜନ୍ମଦାତା କିଏ ଜାଣେନାହିଁ ପୁଣି

କାହିଁବା ଠିକଣା ମୋର ।୧।

ଭିକ ମାଗେବୋଲି ସେଥିପାଇଁ କେବେ

ଅନୁଶୋଚନା ମୋ ନାହିଁ

ଭାରି ଦୁଃଖଲାଗେ କହିଦେଲେ କିଏ

ଜାରଜ ସନ୍ତାନ ତୁହି ।୨।

ପ୍ରେମତ ଶାଶ୍ବତ ଚୀରନ୍ତନ ସତ୍ୟ

ଅମ୍ରୁତର ଧାରା ସେ'ତ

ତାହା ପରିଣାମେ ସ୍ରୁଷ୍ଟିଯେ ମୋହର

ହେଲି କେହ୍ନେ ଜାରଜତ ।୩।

ଯେଉଁ ଭୁଲ୍ ମୁହିଁ କରିନାହିଁ କେବେ

ଦଣ୍ତପାଏ ପ୍ରତିଦିନ

କାହାଭୂଲ୍ ପାଇଁ ପ୍ରାୟଶ୍ଚିତ କରେ

ଭାବୁଅଛି ରାତିଦିନ।୪।

ରାଜରାସ୍ତା ମୋର ସୁନାର ପଲଙ୍କ

ମୁକୁଳା ଆକାଶ ତଳେ

ମାଟି ମା'କୋଳେ ପେଟେ ଓଦାକନା

ଶୋଇଯାଏ ନିଶ୍ଚିନ୍ତରେ।୫।

କେତେଯେ ଲାଞ୍ଛନା କେତେ ନିର୍ଯ୍ୟାତନା

କେତେଯେ ଅବହେଳିତ

ମଥାପାତି ସବୁ ସହିବାକୁ ହୁଏ

କାରଣ ମୁଁ ଅବାଞ୍ଛିତ।୬।

ସମାଜକୁ ଆଜି ପଚାରୁଛି ଥରେ

କାହିଁକି ଏ ନିର୍ଧାରଣ

ଦୋଷୀ ମଜ୍ଜିଯାଏ ଭାବ ପିରତିରେ

ନିର୍ଦ୍ଦୋଷେ ଦଣ୍ତ ବିଧାନ।୭।