ଶୀତର ଆଗମନେ

ନୂଆ ଏକ ଋତୁରେ ମୋ ଜୀବନ

ଆସି ପାଦଥାପେ ଆଜି,

ବସନ୍ତର ଶୀତୁଆ ସକାଳେ

ମୋ ଜୀବନ ଉଡିଆସେ ହଲଦିବସନ୍ତ ସାଜି।

ହୃଦୟର ସ୍ପନ୍ଦନ ଖୋଜେ ସେ

ଶୀତୁଆ ସକାଳର ସୁନେଲି ଖରାକୁ,

ଉଡିବାକୁ ଇଛା ଆଜି ପୁଣି

ଦିଗହରା ହୋଇ ନକରି ଖାତିରି କାହାକୁ।

ଶୀତୁଆ ରାତିର କାକର ବିନ୍ଦୁର ସ୍ପର୍ଶ

ଆଜି ଯୌବନର ଉନ୍ମାଦନା ବଢ଼ାଇ ଦେଉଛି,

ପୁଣି ଗଙ୍ଗଶିଉଳିର ବାସ୍ନାରେ

ଏ ଋତୁର ପ୍ରତ୍ୟକ ରାତି ଚହଟି ଯାଉଛି।

ଅଗଣାରେ କେତେ ଫୁଲର ଆଗମନ

ହେବାର ସୂଚନା ଆସିଯାଇଛି,

ଶୀତୁଆ ପବନର ହାଲକା ଫୁଲକା ସ୍ପର୍ଶ

ସହ ସମ୍ପର୍କ ଗଢି ମୁଁ ଆଜି ହଜିବାକୁ ଚେଷ୍ଟା କରୁଛି।