ସବୁ ଲାଗେ ବେକାର

ଏ କୁଆଁରୀ ମେଘ ମହ୍ଲାର

ଏ କୁହୁକିନୀ ହେମାଳ ବୟାର

ସବୁ ଲାଗେ ବେକାର

ଯଦି ତୁମେ ନ ଦିଶ ଛାତ ଉପର

ଏ କୁଣ୍ଡାଝଡ଼ା ବର୍ଷା ଛଟକ

ଏ ସଞ୍ଜ ସମୀରଣ ଅଟକ

ସବୁ ଲାଗେ ବେକାର

ଯଦି ତୁମ ଆଖିରେ ମିଶେନା ଆଖି ମୋ'ର

ଏ ବର୍ଷାଭିଜା ଗଛଲତାର ଲାଜ

ଏ ମାଟିମଗ୍ନା ଧରଣୀର କୌମାର୍ଯ୍ୟ

ସବୁ ଲାଗେ ଦେକାର

ଯଦି ତୁମେ ବାହୁପାଶେ ନ ଆସ ଖର

ଏ ମେଘ ମେଦୁର ହେଣ୍ଟାଳ

ଏ ବର୍ଷା ବିଜୁଳି କଟାଳ

ସବୁ ଲାଗେ ବେକାର

ଯଦି ତୁମେ ପାଖେ ବସି ଘଷି ନ ପଚାର

ଏ ତୋଫାନ ରାତିର ଶୂନ୍ୟତା

ଏ ଫେରାର୍ ବିଜୁଳିବତୀର ମୂଲ୍ୟତା

ସବୁ ଲାଗେ ବେକାର

ଯଦି ତୁମେ ଗପୁ ନ ଥିବ ନୀରବ ନୀଥର

ଏ କାମୁକ ରାତ୍ରୀର ଆସର

ଏ ଆରାମଦାୟକ ପଲଙ୍କ ଚାଦର

ସବୁ ଲାଗେ ବେକାର

ଯଦି ତୁମେ ନାହଁ ଅଙ୍ଗଲତା ବିନା ଅମ୍ବର ।