ଲାଇବ୍ରେରୀ
ପ୍ରୋଫାଇଲ୍
ସାଇତା ଅଳି
ସାଇତା ଅଳି
1 min
336
ଭିଜା ଭିଜା ଏଇ ଚାନ୍ଦିନୀ ରାତିରେ
ଖୋଜୁଛି କାହାକୁ ଆଖି
ଝାପସା ଝାପସା ଏଇ ଛାଇ ଆଲୁଅରେ
ପାଇବ କି କେବେ ଦେଖି,
ମନ ସିନା ଏଠି ପାଉଛି ଯାତନା
ଅତୀତ ନିଆଁରେ ଜଳି
ଭଙ୍ଗା ହୃଦୟରେ ସାଉଣ୍ଟି ଚାଲିଛି
ସେଦିନ ସାଇତା ଅଳି,
ଆଶା ମରୀଚିକା ତତଲା ବାଲିରେ
ମଉଳି ଯାଉଛି ଶୁଖି.....
କିଏ ବା ଦେଖିବ ଛାତିର ଦରଦ
ଆପଣାର କେହି ନାହିଁ
ଭଲପାଇବାଟା ବିରହ ବେଦନା
ସାଜିଥାଏ କାହା ପାଇଁ,
ରାତି ବି ବିତିବ ସପନ ହଜିବ
ଅକୁହା କାହାଣୀ ଲେଖି.....।
