ସ୍ୱପ୍ନ ସୁନ୍ଦରୀ
ସ୍ୱପ୍ନ ସୁନ୍ଦରୀ
ସ୍ୱପ୍ନରେ ଆସୁଛ ତୁମେଗୋ ସୁନ୍ଦରୀ
ପାଦରେ ପାଉଁଜି ପିନ୍ଧି
ରୁଣୁ ଝୁଣୁ ଶବ୍ଦ କାନରେ ପଡିଲେ
ନିଦ ମୋ ଯାଉଛି ଭାଙ୍ଗି ।
କେବେ ଫୁଣି ଆସ ନାଲି ଶାଢ଼ୀ ପିନ୍ଧି
ମୁଣ୍ଡରେ ଓଢଣୀ ଦେଇ
ହାତ ଧରି ସତେ ନେଇଯାଅ ମୋତେ
ତୁମ କୋଳରେ ଯାଏ ମୁଁ ସୋଇ ।
ନୟନେ ତୁମର କଜଳ ର ଧାର
ରାଜ ହଂସୀ ପରି ଚାଲି
ଗୋଲାପୀ ଓଠରେ ହସୁଥିଲ ଧୀରେ
ତୁମ ପଛେ ଚାଲିଗଲି ।
ସ୍ୱପ୍ନ ରାଇଜେ ଘାସ ଗାଲିଚାରେ
ପାଦ ଯେବେ ଦିଅ ଥୋଇ
କାକର ବିନ୍ଦୁଟି ଭାରି ଚେଷ୍ଟା କରେ
ପାରେନା ତୁମକୁ ଛୁଇଁ ।
ସପନ ରାଇଜେ ବାଟସାରା ଫୁଲ
ନଥାଏ ସେଥିରେ କଣ୍ଟା
ଭାଙ୍ଗିଦେଇ ସ୍ୱପ୍ନ କାଇଁ ଚାଲିଗଲ
ମିଠା ଲାଗେ ଯନ୍ତ୍ରଣାଟା
ମିଠା ଲାଗେ ଯନ୍ତ୍ରଣାଟା ।