ପ୍ରଜ୍ଞା

ଗୋପର ଚନ୍ଦ୍ରମା ବୃଷଭାନୁ ଜେମା

   ଶ୍ରୀକୃଷ୍ଣ ଅଙ୍କଶାୟିକା

ମୃଦୁ ମଦାଳସା ନାଗରୀଙ୍କ ହୀରା

   ଗୀତ ଗୋବିନ୍ଦ ମାଳିକା

ପ୍ରେମ ତରଙ୍ଗିଣୀ ସୁଧା ଭାଣ୍ଡ ଆଣି

   ପ୍ରେମ ଅର୍ଥ ପରଷନ୍ତି

ରାଧା କୃଷ୍ଣ ପ୍ରେମ ଚିରନ୍ତନ ସତ୍ୟ

    ବିରହ ନିଆଁର ତାତି

ବିରହ ନିଆଁ ଟି ପ୍ରେମ ସୁବର୍ଣ୍ଣକୁ

   ମାଜି ଘଷି ଦିଏ ଜ୍ୟୋତି

କଳୁଷ ନ ଥାଏ ସେହି ପ୍ରେମେ ସହୀ

   ଆ ଯିବା ଆମେ ଲୋ ମାତି

ଦୈହିକ ସମ୍ପର୍କ କ୍ଷଣସ୍ଥାୟୀ ଧନ

   ମନର ମିଳନ ଚିର

ଭାବ ଭକ୍ତି ପ୍ରେମ ଦିଆ ନିଆ ହେବା

   ମରଣ ହୋଇବ ଦୂର ।