Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pratima Satpathy

Classics

4  

Pratima Satpathy

Classics

ପ୍ରଭାତ

ପ୍ରଭାତ

1 min
349



ଆସିଲା ପ୍ରଭାତ ହୋଇ ହର୍ଷଚିତ୍ତ

    ନୂଆ ସୁରୁଜ ଉଇଁଲା

ରଙ୍ଗ ମୁରୁଜକୁ ସାରା ଜଗତରେ 

    ବୁଣି ଦେଇ ଖୁସି ହେଲା ।


ସିନ୍ଦୁରା ଫାଟିଲା, ଅରୁଣ ଉଇଁଲା

    ଜାଗିଲେ ସକଳ ଜନ

ନୂଆ ବୋହୂଟିଏ ଗାଧୋଇ ଆସି ଯେ

    କରେ ତୁଳସୀ ପୂଜନ ।


କୁକ୍କୁଟ ର ଡାକ, କାଉର, କା, କା

    ନିଦ ଭାଙ୍ଗିଦିଏ ଭାଇ

ସପନ ନଈର ଉଜାଣି ସୁଅରେ

   ନେଇ ଯାଏ ଟି ଭସାଇ ।


ତରୁଣ ଅରୁଣ ଉଜ୍ଜ୍ୱଳ ଆଲୋକେ

   ହସିଉଠେ ଆମ ଗାଆଁ

ନୂଆ ବୋହୂଟିଏ ବାସି ପାଇଟିକି

   ସାରଇ ନିତି ଦିନିଆଁ ।


ପ୍ରଭାତ ସମୟେ କଳକଣ୍ଠି ଡାକେ

     ଉଠ ଉଠ, ଗ୍ରାମବାସୀ

ସୂର୍ଯ୍ୟ ଉଦୟ ପରେ ଉଠିଲେ ସବୁ

    ରୋଗ ମାଡ଼ିଯିବ ଆସି ।


ପ୍ରଭାତ ସମୟେ ପକ୍ଷୀଏ କରନ୍ତି

    କିଚିରି ମିଚିରି ଶବ୍ଦ

ମନ୍ଦିର ଭିତରୁ ଭାସି ଆସୁଥାଏ

   ମନ୍ତ୍ର, ଘଣ୍ଟ, ଶଙ୍ଖ ବାଦ୍ୟ ।


ନାନା ଜାତି ଫୁଲ ଫୁଟି ବଗିଚାରେ

    ବାସନା ବିତରି ଯାଏ

ସୁଗନ୍ଧରେ ତାର ଭ୍ରମର ଆସି ଯେ

    ଗୁଣୁ ଗୁଣୁ ଗୀତ ଗାଏ ।


ଚାଷୀ ଭାଇଟି ଯେ ହଳ ଲଙ୍ଗଳକୁ

   ଧରିଣ ଯାଏ ବିଲକୁ

କାଳିଆ, କସରା, ବଳଦ କୁ ଜୋଚି

    ଲମ୍ବାଇ ଥାଏ ସ୍ୱରକୁ ।


ପ୍ରଭାତରୁ ଉଠି ସବୁ ନର ନାରୀ

   ନିଜ ନିତ୍ୟକର୍ମ ସାରି

ଠାକୁର ଦର୍ଶନ କରିଣ ଯାଆନ୍ତି

   ଧୂପ ଦୀପ, ଭୋଗ ଧରି ।


ପୋଖରୀରେ ରହି ପଦୁଅଁ ସୁନ୍ଦରୀ

    ସୁରୁଜ କିରଣ ପାଇ

ପ୍ରିୟ ଙ୍କୁ ଦର୍ଶନ କରି ଆନନ୍ଦରେ

    ପାଖୁଡା ମେଲି ହସଇ ।


ସକାଳ ପବନ ଦେହ ପାଇଁ ହିତ

    ଚଲା ବୁଲା କଲେ ଭଲ

ଶୁଦ୍ଧ ଅମ୍ଳଜାନ ପୁରି ରହିଥାଏ

    କରଇ କର୍ମ ଚଞ୍ଚଳ ।


Rate this content
Log in