Library
Profile
ଫିକା ପଡ଼ିଲାଣି
ଫିକା ପଡ଼ିଲାଣି
ଗଜଲକ୍ଷ୍ମୀ ପୂଜାର ଝଲକ ଚମକ ତଳେ
କୁମାର ପୂର୍ଣମୀର ଚପଳଛନ୍ଦ ଚାନ୍ଦ
ଖେଳୁଛି ଆକାଶ ଅଗଣା କୋଳେ ହସି ମନ୍ଦ ମନ୍ଦ
ରହି ରହି ଶୁଭୁଛି ଫୁଲ ବଉଳବେଣୀ ଗୀତ
ସୁକୁମାରୀ କୁମାରୀ କଣ୍ଠରୁ କମ୍
ମୋବାଇଲ୍ ଟିଭି ପରଦାରୁ ବେଶି
ଜୋଛନା ପରଶ ପୀୟୁଷ ପାଇଁ
କାହିଁ ଦିଶୁନାହିଁ ଉଲ୍ଲସିତ ଲଳନା ମୀତ
ପ୍ରୀତି ପ୍ରଣୟର ଭାବନା ଉଦ୍ରେକ ଛାଡ଼
ଛାତ ଉପରେ ମୃଦୁ କଳରବ ନାହିଁ
କୁଆଁରୀ ମନରେ କାଉଁରି ଫେରାର୍
ଯୌବନ ଯୁଆରରେ ଭଟ୍ଟା ପଡିଲାଣି କୁଢ଼ କୁଢ଼
କୁମାରୀ ପୂଜନ ବନ୍ଦନ ସାଜ ଶୃଙ୍ଗାର
କାଳର କରାଳ ଗର୍ଭରେ ଲୀନ
ଭାବିବର ପାଇଁ ବିଭୁ ଆଶିର୍ବାଦ ପାଇଁ
ସରଳ ବିଶ୍ୱାସ ଆଶ୍ୱାସ ହୀନ
ମୃଦୁ କଳରବ ପୁଚି ଖେଳ ପାଶେ
ହସ କୈତୁକ ଚାନ୍ଦ ପୂଜା ବେଶେ
ସବୁ ମହଳଣ ସବୁ ରୁଗଣ
କର୍ପୁର ଉଡିଛି ଖାଲି କନା କାନ୍ଦେ ଶରତ ମହ୍ଲାର
ଆମ ପର୍ବ ପରମ୍ପରା ଆମ ଉତ୍କଳୀୟ ପର୍ବାଣୀ
ଧିରେ ଧିରେ ଦିଗଭ୍ରଷ୍ଟ କୀଟଦ୍ରଂଷ୍ଟ
ଆଧୁନିକତାର ଚାପରେ ଛାପରେ ନଷ୍ଟ
କହିବା କାହାକୁ ?
ନିଜ ମୁଣ୍ଡେ ନାହିଁ ଆଦର
ନିଜ ଘରେ ନାହିଁ ପାଳନ ପ୍ରଚାର ରାଗିଣୀ
ଘୋର ପରିତାପର ବିଷୟ
ଭୃଣହତ୍ୟା ଯୋଗୁଁ ଝିଅସଂଖ୍ଯା କମିଲାଣି
କୁମାରୀବିନା କୁମାରପୂର୍ଣ୍ଣିମା ଫିକା ପଡିଲାଣି
