ପାଠ ପଢିବା

ପାଠ ପଢି ଆମେ ସୁଦୃଢ ହେବା 

ପ୍ରଗତି ପଥରେ ଆମେ ବଢିବା 

ଭଲ ମନ୍ଦ ର ଯେ ପାର୍ଥକ୍ୟ ଜାଣି 

ନୂଆ କରି ଆମେ ଦେଶ ଗଢିବା ||

ପାଠ ପଢି ଆମେ ବିନୟ ହେବା 

ସଫଳତା ର ଯେ ସିଡ଼ି ଚଢିବା 

ଦିନ ଦୁଃଖୀ ଙ୍କ ର ସାହାଯ୍ୟ କରି 

ଆନନ୍ଦ ମନରେ ଗୀତ ଗାଇବା ||

ପାଠ ପଢି ଆମେ ବିଜ୍ଞାନୀ ହେବା 

ନୂଆ ଆବିଷ୍କାର ଉଦ୍ଭାବନ କରିବା

ସମାଜ କଲ୍ୟାଣେ ସମୟ ଦେଇ 

ନିଜଠି ନିଜକୁ ଖୋଜି ପାଇବା ||

ପାଠ ପଢି ବଡ ମଣିଷ ହେବା 

ଦେଶ ଜାତିରଯେ ନାଁ ରଖିବା

ଅଜ୍ଞାନକୁ ଆମେ ଦୁରେଇ ଦେଇ 

ଜ୍ଞାନ ରୂପକଯେ ବୀଜ ପୋତିବା ||