ମୁଁ ଅବାଞ୍ଛିତ କାହିଁକି ?

ଆଲୋକବିହୀନ ନୀରବ ରଜନୀରେ ,

ସେ ଆସିଲା ମୋ ଠାରେ ଲୁଚି ଗୋପନରେ ।

ଅର୍ଦ୍ଧ ବିବସନ ରୂପ ନେଇ ମୁଁ,

ବସିଲି ଯାଇ ତା କୋଳ ଆସନରେ ।

ତୃଷ୍ଣା ଢ଼ାଳି ଦେଲା;ମୋର ଅସ୍ଥାୟୀ ବସ୍ତ୍ରରେ,

ମୁଁ ଓଠ ଚିପି ଦେଲି ତୀବ୍ର ଯନ୍ତ୍ରଣାରେ ।

ତୃପ୍ତ ହେଉନଥାଏ ସେ ଯେତେ ଚେଷ୍ଟା କଲେ,

ହିଂସ୍ର ଭାବ ତା'ର କହିଲେ ନସରେ ।

ଅନ୍ତର ଆତ୍ମା ମୋର କୋହଳି ଉଠିଲା ,

ପ୍ରସ୍ତ ପ୍ରସ୍ତ କରି ସେ ଖୋଲି ଚାଲିଲା ।

କେତେବେଳେ ଯେ ପୁଣି ସୂର୍ଯ୍ୟ ଊଇଁ ଗଲା,

ଜହ୍ନ ଯାଉ ଯାଉ , ସେ ବି ଚାଲି ଗଲା ।

କ୍ଷୁଧା ମେଣ୍ଟାଇ ମୁଁ ନାରୀଙ୍କୁ ଧର୍ଷଣରୁ ରକ୍ଷା କଲି,

ଦୁନିଆ ମୁହଁ ରେ ପୁଣି ବେଶ୍ୟା ବୋଲାଇଲୀ ।

ସେ ଦୁର୍ଜନ ହୋଇ ମଧ୍ୟ ଗ୍ରହଣୀୟ ହେଲା,

କୁହ!! ମୁଁ କେଉଁ ଦୋଷ ଯୋଗୁଁ ଅବାଞ୍ଛିତ ହେଲି ?

(ଅସ୍ଥାୟୀ ବସ୍ତ୍ର=Temporary cloth e.i Skin)