ମାଆ ପାଇଁ ପଦେ

ଆଜି ଏତେ ଦୂରେ ତୋ କଥା ଭାବିଲେ

  ଆଖି କୋଣେ ଲୁହ ଜମେ

ସବୁବେଳେ ତୋର ପଣତ କାନିର

  ଆଢ଼ୁଆଳ ମନେ ପଡ଼େ ।

ତୋ ପଣତ କାନି ଶ୍ରମ ଝାଳ ଠାରୁ

    ଆଖି ଲୁହ ଯାଏ

   ସବୁ କିଛି ପୋଛି ନିଏ

ତୋର ମିଠା ମିଠା ପଦିଏ କଥାରେ

   ସବୁ ଦୁଃଖ ଭୁଲି ଯାଏ ।

 ଏକା ରହି ଏଠି ଦରସିଝା ଭଜା  

   ଅଧା ଜଳା ରୁଟି ଖାଏ

ଭାବୁଛି ତୋ କଥା ତୋର ପାଖେ ଥିଲେ

   କେତେ ଅଝଟିଆ ମୁଁ ହୁଏ ।

ଜାଣିଛି ମାଆଲୋ ତୁ ମୋର ବିନା

   ହସିବା ଯାଇଛୁ ଭୁଲି

ସଂସାର ଜଞ୍ଜାଳ ଜାଲେ ଛନ୍ଦି ହୋଇ

   କିନ୍ତୁ ମୁଁ ପାରୁନି ଭୁଲି ।

ନହେଲେ ଦଉଡି ଆସନ୍ତି ତୋ ପାଖେେ

  ଦେବାକୁ ତୋ ମୁଖେ ହସ

ପାଇବାକୁ ତୋର ଦିବ୍ୟ ଦରଶନ

  ପାଇବାକୁ ତୋର ଶୁଭ ଆଶିଷ ।