କରୋନା

କଲବଲିଆ ମହାମାରୀ

ଆଉଥରେ ଲକ୍ ଡାଉନ୍ ଆସିଗଲା ଫେରି

ବଡ଼ କଲବଲ କରେ ଏ ମହାମାରୀ,

ଆଉଥରେ ଜୀବନରେ କରୁଚି ସେ କେଳି

ବଡ଼ କଲବଲ କରେ ଏ ମହାମାରୀ।

ଆଉଥରେ ନିଜଘରେ କରିଦେଲା ବନ୍ଦୀ

ମଣିଷ ମନରେ ପୁଣି ଆସିଗଲା ଦ୍ୱନ୍ଦି,

ଆଉଥରେ ଚାରିଆଡ଼େ ଶୁଭେ ହାହାକାର

ଆଉଥରେ ଖେଳୁଚି ସେ ମରଣର ଖେଳ,

ଆଉଥରେ କଲିଯାରେ ମାରିଦେଲା ଛୁରୀ

ବଡ଼ କଲବଲ କରେ ଏ ମହାମାରୀ।

ଆଉଥରେ ବସିଲାରେ ମରଣର ହାଟ

ଆଉଥରେ ବନ୍ଦହେଲ ସବୁରି କବାଟ,

ଶବ ମାଳମାଳ ହେଲା ପୁଣି ଆଉଥରେ

ମରଣ ପୁଣି ଜଗିଲ ସବୁରି ଦୁଆରେ।

ଆଉଥରେ ସିଏ ଲୋଡେ ପୁଣି ନରବଳି

ବଡ଼ କଲବଲ କରେ ଏ ମହାମାରୀ।