ଖୁସି ହୋଇଲୁ ଆମେ ସଭିଏଁ
ଖୁସି ହୋଇଲୁ ଆମେ ସଭିଏଁ
ଗ୍ରୀଷମ କାଳ ସର୍ବେ ବିକଳ
ସୂରୁଜ ତାତି ବଢି
ପଖାଳ କଂସା ଲାଗେ ବଢିଆ
ସାଙ୍ଗରେ ଥିଲେ ବଡ଼ି ।
ଶୁଖୁଆ ଭଜା ଆହା କି ମଜା
ଖାଇବ କିଏ ଆସ
କାକୁଡି ସାଥେ ଲେମ୍ବୁ ପିଆଜ
ପାଚିଲା ଆମ୍ବ ରସ ।
ବସି ପଡ଼ିଲୁ ବୋଉ ସାଥିରେ
ଭାଇ ଭଉଣୀ ମିଶି
ଏତିକି ବେଳେ ମାଉସୀ ମୋର
ଘରକୁ ଆସିଲା ପଶି ।
ଦେଖି ଖୁସିରେ ସଭିଏଁ ଆମେ
ଦଉଡି ଗଲୁ ପାଶେ
ବୋଉ କହିଲା ଆସିଛୁ ଯଦି
ଖାଇଦେ ପଖାଳ କଂସେ ।
ଖରା ଝାଞ୍ଜିରୁ ମାଉସୀ ମୋର
ଆସିଥିଲା ତ ଚାଲି
ଆମରି ସାଥେ ଖାଇଲା ପେଟେ
ବାସି ତୋରାଣି ବୋଲି ।
ଏତିକି ବେଳେ ବାପା ମୋହର
ଆସିଲେ କାମ ସାରି
ଥଟ୍ଟା କରିଲେ ଆସିଛୁ କହ
ମୋ ପାଇଁ କିସ ଧରି ।
ମାଉସୀ ମୋର ପାଚିଲା ଆମ୍ବ
ବ୍ୟାଗରୁ ଦେଲା ଢାଳି
ଖୁସି ହୋଇଲୁ ଆମେ ସଭିଏଁ
ଖୁସିରେ ମାରି ତାଳି ।