ଜୟ ମାଆ କମଳିନୀ
ଜୟ ମାଆ କମଳିନୀ
କମଳ ବାସିନୀ ମାତ ଜୟ କମଳିନୀ l
ମହାଲକ୍ଷ୍ମୀ ନମସ୍ତୁତେ ଜଗତପାଳିନୀ ll
ପଦ୍ମାଳୟା ମାଆ ତୋର ପଦୁଅଁ ଆଳୟ l
ଜୀଵଙ୍କ ଆଶ୍ରୟ ମାତ ଜୀଵ ବରାଭୟ ll
ପଦ୍ମ ଵିଭୂଷଣୀ ଯେଣୁ ପଦ୍ମା ନାମ ବହୁ l
ଛପନକୋଟି ଜୀବଙ୍କୁ ଅନ୍ନ ବାଣ୍ଟିଦେଉ ll
କମଳ ଆସନୀ ମାତ ନାମ ତୋ କମଳା l
କରୁଣାମୟୀ ଲୋ ମାତ ସନ୍ତାନ ବତ୍ସଳା ll
ବିଷ୍ଣୁଙ୍କ ଘରଣୀ ମାତ ନାମ ହରି ପ୍ରୀୟା l
ବିଷ୍ଣୁଙ୍କ ମନ ମୋହିନୀ ତୁହି ବିଷ୍ଣୁଜାୟା ll
ଇନ୍ଦୀବରମୁଖୀ ମାତ ନାମ ତୋ ଇନ୍ଦିରା l
ଜଗଦ୍ଧାତ୍ରୀ ସିନ୍ଧୁ ଜେମା ମାଆ ବିଶ୍ଵମ୍ଭରା ll
ସୁର ନର ଯକ୍ଷ ରକ୍ଷ ଗନ୍ଧର୍ବେ ପୂଜିତା l
ବିଶ୍ୱପଡ଼ିଦାତ୍ରୀ ଠାକୁରାଣୀ ଲୋକମାତା ll
କ୍ଷୀର ସାଗର ସମ୍ଭବେ କ୍ଷୀରାବ୍ଧିତନୟା l
ବରୁଣ ନନ୍ଦିନୀ ମାତେ ସ୍ୱର୍ଣ୍ଣମୟୀ କାୟା ll
ରମଣୀୟ କାନ୍ତି ତୋ'ର ନାମ ବହୁ ରମା l
ଜୟ ଜୟ ମାତେ ତୁହି ବିଷ୍ଣୁ ମନୋରମା ll
ନମଃ ମହାମାୟୀ ମାତେ ଉଲ୍ଲୁକବାହନୀ l
ଶ୍ୱେତ ପଦ୍ମାସନୀ ନମସ୍ତୁତେ ନାରାୟଣୀ ll
ପ୍ରଭାତ ପ୍ରଣତି ଘେନାକର ମୋର ମାଆ l
ଘଣ୍ଟ ଘୋଡ଼ାଇ ଜଗତ ପ୍ରାଣୀ ରଖିଥାଆ ll