ଲାଇବ୍ରେରୀ
ପ୍ରୋଫାଇଲ୍
ଜୟ ମାଆ ଜଗଦମ୍ବେ
ଜୟ ମାଆ ଜଗଦମ୍ବେ
ଜୟ ମାଆ ଜଗଦମ୍ବେ
ହେ ମାଆ ଆଦି ମାତ ସର୍ବ ଦେବତାଙ୍କ ଆରାଧ୍ୟ ସୁମାତା
କଲ୍ୟାଣ ଆଶା ଆମର କରନ୍ତୁ ପୂରଣ ନସାଜି କୁମାତା
ଆଦି ଶଙ୍କରଙ୍କ ସ୍ତୋତ୍ର ପଢ଼ି କରୁଛୁ ସଦା ପ୍ରାର୍ଥନା
ଆମ ଶିରେ ଢାଳିଦିଅନ୍ତୁ ସାଜି ସୁମାତା ସଦା କରୁଣା
ହେ ଅଯୋନି ସମ୍ଭୂତା ମାତେ ହୁଅନ୍ତୁ ସଦୟ ଢାଳି ତଵ
ପୀୟୂଷ ସମ ସ୍ନେହପୂର୍ଣ୍ଣ କଲ୍ୟାଣଧାରା ବିଶ୍ୱ କୁମାରୀଗଣେ
ଉଦ୍ଧାର କରନ୍ତୁ ନାଶି କାମୁକ ମହିଷାରୂପୀ ପୁଙ୍ଗବ ଗଣେ
ସନ୍ତୁଳିତ କରନ୍ତୁ ମାତେ ରମ୍ୟ ଧରାପୃଷ୍ଠ କାମୁକତା ଉତ୍ପାଟନେ
ତବ ଆଗମନୀ ଅଗ୍ରଗାମୀ ସୂଚନା ଦିଏ ଆଜି ପ୍ରାଣେ ଉନ୍ମାଦନା
ଅପେକ୍ଷା ରତ ଧରି ଅର୍ଘ୍ୟ ଥାଳି ଆମେ କରିବାକୁ ତଵ ବନ୍ଦାପନା
ସ୍ୱାଗତମ ମାତେ କରୁଛୁ ପ୍ରାଣେ ବହି ବିଶ୍ୱଜନନୀ ଭାବ ଫଲ୍ଗୁ ଆମ
ପ୍ରକମ୍ପିତ କରନ୍ତୁ ଶାରଦୀୟ ଆସର ନିଷ୍ପାପ ହେଉ କ୍ଲୀଷ୍ଟ ଧରାଧାମ
ଏକବିଂଶ ଶତାବ୍ଦୀର ମହାମାରୀ ଆତଙ୍କ ଯାଉ ଅପସରି
ନକରନ୍ତୁ କେବେ ଊଣା ମାତେ ବର୍ଷାଇବାକୁ ତବ କରୁଣାବାରି
ଜନତାଜନାର୍ଦନ ବ୍ୟାଧି ସଂକଟେ ବିକଳ ଅତି ଆଜି ସାରା ବିଶ୍ୱେ
ତ୍ରାହି ତ୍ରାହି ଚିତ୍କାରେ ଫାଟି ପଡ଼ୁଛି ମେଦିନୀ ଅଜାତି ଭୂତାଣୁ ତ୍ରାସେ
ହେ ମାତେ ଶିବା! କରନ୍ତୁ କୃପା ବାରେ ତଵ ବିଶ୍ୱ ସନ୍ତାନ ଗଣେ
ନଯାଉ ଲିଭି ଆନନ୍ଦ କଲ୍ଲୋଳ କେବେ ସେମାନଙ୍କ ସୁଚିତ୍ତେ ଦିନେ
ଭାତୃଭାବ ମାତୃଭାବ ଭଗ୍ନୀ ଭାବରାଜିରେ ପୁଲକିତ କର ମାତେ
ସମଗ୍ର ଆବାଳବୃଦ୍ଧବନିତାଗଣେ ଦେଇ ସଦବୁଦ୍ଧି ଚିର ଜାଗ୍ରତେ
ଏତିକି ବିନତି ମାତେ ତଵ ଶ୍ରୀ ଚରଣ ତଳେ ଘେନା କରନ୍ତୁ ଆମ
ହାର୍ଦ୍ଦିକ ପ୍ରଣତି ପୂଣ୍ୟତୋୟା ବସୁନ୍ଧରା ପାଲଟୁ ଏକ ବୈକୁଣ୍ଠ ଧାମ
ଧନଜନଗୋପଲକ୍ଷ୍ମୀ ଲୋଡ଼ୁନା ମାତେ କେବେ ତଵ ଆଶୀଷ ବିନା
ଦୀର୍ଘଜୀବୀ କରନ୍ତୁ ସଦା ଦେଇ ଆମକୁ ସୁସ୍ଥମାନସ ଆତ୍ମଗର୍ବ ବିନା
