Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Binodini Dash

Inspirational

3.9  

Binodini Dash

Inspirational

ଜରିଗୋଟାଳି

ଜରିଗୋଟାଳି

1 min
358


ଜୀବନ ଯେଉଁଠି ଯାତନା ଜୁଇରେ

ଖେଳୁଅଛି ଲୁଚକାଳି,

ଜୀଇଁବା ସେଇଠି ହାତଠାରି ଡାକେ

ଯାହାପାରେ ଧରେ ତୋଳି,

ହେଲେ ବି ଜରିଗୋଟାଳି,

ତା'ର ଅଜାଣତେ ମହନୀୟ କାର୍ଯ୍ୟେ

ନିଜକୁ ରଖେ ସମ୍ଭାଳି ।


ପ୍ଲାଷ୍ଟିକ ଜରିରେ ମାଆ ମାଟି ଆମ

ହେଉଅଛି ପ୍ରଦୂଷିତ,

ଜରିଗୋଟାଳି ସେ ଧନ୍ୟ ତା'ର କର୍ମେ

ଧରା ପ୍ରଦୂଷଣ ମୁକ୍ତ,

ସେଥୁ ଜୀବନ-ଜୀବିକା,

ଯତକିଞ୍ଚିତ ଲଭି ସୁଖଦୁଃଖେ ତା'ର

ଚଳାଏ ଭବ-ନଉକା ।


ହୀନ ତାକୁ କେବେ ନ ଭାବିଣ କେହି

ସମାଜେ ଉଚିତ ସ୍ଥାନ,

ଦେଇ ତା'ର ଏହି ମହତ କର୍ମକୁ

ପ୍ରଶଂସି ଭରିଲେ ମନ,

ସିଏ ହେବ ଉତ୍ସାହିତ,

ନିଜ କର୍ମଟିକୁ ଗୌଣ ନ ମଣିଣ

କରିବ ସମାଜ ହିତ ।


ମାନବ ଜୀବନ ସଭିଏଁ ସମାନ

ଯେଝା ସ୍ଥାନେ ଯେଝା ବଡ଼,

ଲୀଳାମୟଙ୍କର ଲୀଳାରେ ଯନ୍ତ୍ରିତ

ହୋଇ ସର୍ବେ ଆଗେ ବଢ଼,

ସାନବଡ଼ ଭେଦଭାବ,

ଭୁଲି ମନୁ ହୃଦ ପ୍ରେମ ରଜ୍ଜୁ ତୋଳି

ବାନ୍ଧ ସମ୍ପର୍କ ବିଭବ ।



Rate this content
Log in