ଜୀବନ

ଏନ୍ତୁଡି ରୁ ଜୁଇ

ସଂସାର ଭିତରେ

ଅଟଇ ପରା ଜୀବନ

ଲମ୍ବା ସମୟ ଟି

କର୍ମ କରିବା କୁ

ଏତିକି ରଖିବା ମନ।

କିଏ କେତେ ବର୍ଷ

ସଂସାରେ ରହିଲା

ବିଚାର୍ଯ୍ୟ ନୁହଇ ତାହା

ଜୀବନ କାଳରେ

କିସ କରି ଅଛି

ହିସାବ ହୋଇବ ତାହା।

ଗଙ୍ଗ ସିଉଳିର

ଜୀବନ କାଳ ଟି

ଅଳ୍ପ ସିନା ହୋଇ ଥାଇ

ଅଳ୍ପ ସମୟରେ

ଜଗତର ମନ

ନେଇଥାଏ ସଦା ମୋହି।

ମକମଲି ଫୁଲ

ରହିଥାଏ ସିନା

ବହୁତ ସମୟ ପାଇଁ

ସଜାଇବା ପାଇଁ

ଲୋଡା ସିନା ହୁଏ

ବାସ ତାର କିଛି ନାହିଁ।

ହେବା ନାହିଁ ଆମେ

ମକମଲି ସମ

ହୋଇବା ଗଙ୍ଗ ସିଉଳି

ରଖି ଯିବା ଆମେ

କର୍ମର ଚିହ୍ନକୁ

ସମାଜ ଝୁରିବ ଖାଲି।