ହେ ସ୍ବପ୍ନ
ହେ ସ୍ବପ୍ନ
ହେ ସ୍ବପ୍ନ
ତୁମେ ହଜି ଯାଅ
ରାତିର ଅନ୍ଧାର ଭିତରେ
ତୁମେ ପୁଣି ମନେ ପଡ
ବାପାଙ୍କ ଜାମା ର ଝାଳୁଆ ଗନ୍ଧ ରେ l
ହେ ସ୍ବପ୍ନ
ତୁମେ ପୁଣି ମନେ ପଡ
ପୂଜାର ଥାଳିରେ
ଭଉଣୀ ଟା ରାକ୍ଷୀ ବାନ୍ଧି
ଖାଲି ହାତେ ଚାଲି ଗଲାପରେ l
ହେ ସ୍ବପ୍ନ
ତୁମେ ପୁଣି ମନେ ପଡ
ମୋ ଭୋକିଲା ପେଟରେ
ଭାତ ଆଉ ପିଆଜ କୁ ଖାଇ
ଉଠିଗଲା ପରେ l
ହେ ସ୍ବପ୍ନ
ତୁମେ ପୁଣି ମନେ ପଡ
ସାଙ୍ଗ ସାଥି ମେଳେ
ବଣଭୋଜି ଆୟୋଜନେ
ମୁଁ
ପଛ ଘୁଞ୍ଚା ଦେଲା ବେଳେ l
ହେ ସ୍ବପ୍ନ
ତୁମେ ପୁଣି ଫେରି ଆସ
ମୋ ଜୀବନର ଲକ୍ଷ୍ୟ ରେ
ସେ ଲକ୍ଷ୍ୟ ପୁଣି ହଜି ଯାଏ
ତୁମରି ଭିତରେ l