ହେ ଜାତିର ପିତା

ହେ ଜାତିର ପିତା ଅହିଂସା ପୂଜାରୀ

ତୁମେ ଯେ ଚିର ନମସ୍ୟ 

ଗାନ୍ଧୀ ଜୟନ୍ତୀରେ ରେ ସ୍ମରଣ

କରୁଛୁ ସରଗୁ ଓହ୍ଲାଇ ଆସ ।

ଦେଖି ଯାଅ ଥରେ ସ୍ବପ୍ନ ର ଭାରତ

ଅବସ୍ଥା କେମିତି ଅଛି

ତୁମ ସନ୍ତାନଙ୍କୁ ଗ୍ରାସ କରିଅଛି

ଭ୍ରଷ୍ଟାଚାର ଓ ଦୁର୍ନୀତି ।

ଜଳୁ ଅଛି ଖାଲି ଅନ୍ୟାୟ ର ନିଆଁ

ସବୁଠି ଗଲାଣି ବ୍ୟାପି

ଓହ୍ଲାଇ ଆସ ହେ ପୁଣ୍ୟ ଦେବତା

ଅହିଂସା ମନ୍ତ୍ର ଜପି ।

ଯେ ଅହିଂସା ମନ୍ତ୍ର ଗୁଳି ଗୋଳା ଠାରୁ

ଅଟେ ଏତେ ଶକ୍ତିଶାଳୀ

ଯେ ମନ୍ତ୍ର ବଳରେ ବିଶ୍ଵ ରେ

ଭାରତ ସମସ୍ତଙ୍କୁ ଗଲା ବଳି ।

ସେ ମନ୍ତ୍ର ବଳରେ ଦୂର କରିଦିଅ

ଈର୍ଷା ହିଂସା ରାଗ ଦ୍ୱେଷ

ମଣିଷ ମନରୁ ଦୂର ହେଇଯାଉ

ଯେତେକ ଗରଳ ବିଷ ।

ସବୁ ମଣିଷଙ୍କ କାନେ କହି ଯାଅ

ଅହିଂସା ମନ୍ତ୍ରର କଥା

ସବୁ ମଣିଷଙ୍କ ମନେ ଫୁଟି ଉଠୁ

ଭଲ ପାଇବା ର ଗାଥା ।